DEPARTMENT OF ENGLISH , MIZORAM UNIVERSITY CHUAN KUM 40-NA (Ruby Jubilee) A LAWM

Aizawl | October 31, 2019: MZU hnuaia English department chuan nimin leh vawiin khan a kum 40-na ropu takin an lawm.

Mizoram a English literature zirna sang ber Department of English hi Mizoram University hnuaia Department hlun ber zinga mi a ni a. Kum 1979 a NEHU in Mizoram Campus a rawn hawn khan subject pathum a bul tanin, chung zingah chuan Department of English  pawh hi a tel a. Vanneih thlak takin Mizoram University a lo pian khan NEHU Campus, Mizoram chu Mizoram University hnuaia a beh tak vek avangin Department of English  pawh hi July 2001 khan a bet ve ta ni. 


Department of English  hnuaiah hian MA, M.Phill leh Ph.D zirna awmin, he Department hi zirlai tha hnem takin Ph.D thlenga degree lak nan an hmang mek a. Department of English  hian research project leh a kaihhnawih thil dangah pawh ram tan mellung pawimawh tak a lo phun tawh bawk. Tunah hian North East India ah UGC hnuai a Special Assistant Programme (SAP) leh Departmental Research Support (DRS) project thawk awm chhun pahnih zingah a telin, USA atanga rawn kal Senior Fulbright Specialist pathum lai pawh he Department hian a lo dawng tawh nghe nghe. Tin, Department of English  hian State leh National level training, workshop, seminar kum tin a huaihawt thin bakah International Seminar leh Conference te pawh a buatsaih bawk thin a ni.

Department of English  Jubilee lawmna hi ni hnih chhung 30-31 October 2019 hian Guest House Conference Hall, Mizoram University ah neih a ni a. He Jubilee lawmnaah hian Prof KRS Sambasiva Rao, Vice Chancellor, Mizoram University chu khuallian niin Prof KC. Baral, Pro VC EFLU (Rtd) he department bul lo tantu chu khual zahawm a ni thung.

He hun hmang tur hian Mizoram University a zir chhuak tawh, he department a lo thawk tawh zirtirtu leh an department office lama non-teaching staff ten an tawiawm. 

Post a Comment

0 Comments