21st Mizoram Open Chess Championship -2019 Serchhip a khelh chu zo fel;Mizoram Chess Association in Champion thar a nei

Aizawl | October 31, 2019: Ni thum chhung awh, October 29 - 31 chhunga New Serchhip YMA Hall a  Mizoram Chess Association leh Serchhip District Chess Association  te tangkawp buatsaih  ‘21st Mizoram Open Chess Championship -2019’ chu Chief Arbiter Pu Lalthazama National Senior Arbiter kaihhruaina in Felfai taka  zawhfel a ni.  Pu  David Laldintluanga, Serchhip chu pakhatna niin Trophy,Certificate leh pawsiafai rs 20000 dawngin  ,Anthony F Lalṭhasanga, New Siaha,chu pahnihna niin  Certificate leh Pawisafai Rs 15000 a dawng a ,Robert Runremmawia, Lunglei chu pathumna  niin Certificate leh Pawisafai Rs 10000 a dawng bawk.


21st Mizoram Open Chess Championship -2019’ ah hian Round riat khelh niin  A ṭan  ni Dt 29  leh a tuk Dt 30th  khan  round thum khelh a ni a. Vawiin Dt 31st Oct  hian round hnih khelh leh  niin  Round tin hi 1hr+ 15sec increment a rei zel a  khelh a ni.
Vawin Dt 31st Oct tlai Dar 3:00pm khan New Serchhip YMA Hallah  ‘21st Mizoram Open Chess Championship -2019’ kharna Inkhawm(Closing function)  hman niin  Kharna  Inkhawm hi Pu Vanlalzarliana,President, Serchhip District Chess Association  in kaihhruaiin  he hunah Mizoram Chess Association(MCA)  President Dr Lalhmuchhuaka  in thu  sawiin, Serchhip District Chess Association ,Secretary Tv Lalrinawma lawmthu sawina hun a hmang a, Mizoram Chess Association  Treasurer Pu Zosangluaia’n Chess Association Member chatuan ram pan ta te   ralna hun hmangin Chief Arbiter  Pu Lalṭhazama’n Result puangin , Pu Dolianbuaia,Project Director DRDA Serchhip  hnen thusawi ngaihthlak niin Lawmman  a sem nghal bawk ani
21st Mizoram Open Chess Championship -2019 ah hian Most Senior player leh Youngest Participant siam niin Most Senior Player ah Sakhawliana, Tlangnuam leh Youngest Player ah Rampanmawia, Champhaite thlan ni anni bawk.
Dt 29- 31st Oct 2019 chhung a khelh  ‘21st Mizoram Open Chess Championship -2019’ ah hian  Mizoram  hmun hrang hrang atangin Chess khel thiam  mi 60 chuang an tel a ni.
































Post a Comment

0 Comments