Charles H Thangliana Memorial 10 Ball Pool Championship 2019 zo fel; Mizoram No. 1 Lalrina Renthlei champion

Aizawl | November 1, 2019: Mizoram Snooker & Billiards Association buatsaih Charles H Thangliana Memorial 10 Ball Championship 2019 chu zanin khan MSBA Hall Aizawl-ah zawh a ni a, MSBA Ranking a no. 1 ni lai Lalrina Renthlei a champion.

Champion Lalrina Renthlei leh pahnihna K Lallawmkima

Charles H Thangliana Memorial 10 Ball Pool Championship 2019 final ah hian MSBA ranking a pakhatna ni mek Lalrina Rentheli leh K Lallawmkima chu an intum a. Lalrina Renthlei chuan 9 -6 frame lain hnehna a chang a, Charles H Thangliana Memorial 10 Ball Pool Championship 2019 champion a ni ta a ni.

He hun hi Tuirial Bialtu MLA Andrew H Thangliana'n khuallian niin hun a hmanpui a, lawmman a hlan nghal bawk.

Khuallian chuan, National news ah te lang thamin hma in la a, Mizoram tihmingṭhatu in ni a. MSBA in inunauna a fakawm takzet a, in member boral ta puala tournament in buatsaih thei hi lawmawm ka ti" a ti a. "MSBA tan tih theih ka nei a nih chuan min pur hreh lo ula, in tan ka awm reng ang," a ti bawk.

Charles H Thangliana Memorial 10 Ball Pool Championship 2019 hi October 29 aṭang khan khelin mi 42 in Championship an khel a, players ten an ngaihlu hle.


Charles H Thangliana Memorial 10 Ball Pool Championship 2019 hi MSBA member hlun leh MSBA ranking a number 1 lo ni reng ṭhin, nikkuma boral ta Charles H Thangliana hriatreng nana a chhungte bul tuma buatsaih a ni. Charles hi James L Thangliana fapa niin, November 1, 1985 khan  a piang a, Tuikual Aizawla khawsa an ni a. A thih hian a nupui leh a fate a kalsan a ni.

Post a Comment

0 Comments