MDM Circle of Music Meet vawi 9-na hmang, Zaithiamte hnenah chawimawina hlan

Aizawl | September 28, 2019: Music Domain Mizoram (MDM) in kum khata ṭum hnih an hman ṭhin, Circle of Music Meet vawi 9-na chu nizan khan Aijal Club, Aizawl-ah an hmang a, Zaithiamte hnenah chawimawina an hlan.

He hun hi Mizoram Youth Commission chairman Dr Lalṭanpuia MLA chuan khuallian niin a hmanpui a, Life time achievement Award a hlan bawk.

***Website a fakna hi lo click ve rawh le.***

Khuallian chu thusawiin, Mizo te thiamna tlanglawn, Biak in tinah Zaipawl ṭha nei thei leh khaw tinah Zaithiam nei thei kan nihna hi kan thiamna tihpun a phochhuah a pawimawh a, hei hi eizawnna tlaka siama sum hailuh nana kan hman thiam hi a pawimawh tih sawiin, kan thiamna te hnaah chantira sun ah kan chantir a pawimawh a ti.

MNF Sawrkar chuan mipui tana thil ṭha tih tuma hma a lak thu sawiin, Ṭhalaite khawvel siam tura Youth Investment kalpui nasat a tum thu a sawi bawk.

He hunah hian Award hrang hrang semchhuah a ni a, Lelte Weekly editor C Dinthanga chu Rimawi leh Zaithiamte tihhmasawnna atana a hnathawh ṭhat vangin Lifetime Achievement Award hlan a ni.

New Artist of the year 2019 ah hian Gospel ah H Lalremruati leh Lengzem/Lenglawng ah Ticos Dara ten Award an dawng a.

***Website a fakna hi lo click ve rawh le.***

Group/Duo of the year 2019 hi Manuna leh Feli Fanai ten 'I Leng dun ang' tih hla hmangin an dawng bawk a.

Artist of the year 2019 puan niin, Gospel-ah Stacy VL Muanpuii niin, Lengzem/Lenglawng-ah Kimkima Ralte te hlan an ni bawk.

Heng bakah hian Rachel Lalnunkimi, F Zomuanpuia, Marina V Varte, Josephine Lalawmpuii, Hlimhlimi (Vanlalhlimpuii Hmar), Kimkima leh Awmtea Polymer te chu MDM Youtube Channel aṭanga Millions Viewers an neih tlin vangin chawimawina hlan an ni a. Lalrinawma hnenah MDM tana IT lama a thawhhlawk vangin chawimawina hlan a ni bawk.