Aizawl | September 28, 2019: Mizo Zirlai Pawl (MZP) general headquarters chuan vawiin khan an president L Ramdinliana Renthlei hovin Vairengte a 1st IR Battalion leh ILP Cell tlawhin, thilpek an hlan.
MZP chuan 1st Indian Reserve Police Battalion, The Norther Rangers, Pioneer Camp hluia inkulh mekte chu tlawhin tuizem liter 1000 leh Filter an hlan.
Hemi bakaha hian Vairengte Police checkgate bula Inner Line Permit (ILP) cell chu tlawhin Assam in NRC a kalpui hnua thil awm dan an thlitlai.
ILP cell aṭanga thu dawn danin ni tin NRC nei lo mi 15 vel chu ILP pe lova kirtir ziah an ni.
He hunah hian MZP president L Ramdinliana Renthlei bakah MZP general headquarters aṭangin hruaitu ṭhahnem tak leh MZP Headquarters Kolasib leh MZP Sub - Headquarters Vairengte hruaitute bakah JAC on Inner Line reserve hruaitute an kal bawk.
1st IR Battalion The Northern Rangers hi July 7, 2019 khan tuna Vairengte a an awmna-ah hian an awm ṭan a. Post Commander SI C Vanlalhruaia chuan lawmthu sawiin, pawl leh mimal bakah Vairengte khawtlang hruaituten min duhsak em em a, kan lawm takzet a. Hetianga duhsakna hi hmun dangah kan la dawng ngai lo" a ti a. MZP general headquarters in an mamawh tak mai Tuizem leh Filter an pe chu an lawmthu sawiin, an chunga MZP Sub - Headquarters Vairengte ṭhatnaah pawh lawmthu a sawi nghal bawk.
Post a Comment
He post chungchanga i ngaihdan lo sawi ve rawh: