Aizawl | September 8, 2019: Kolasib Racing Team leh 05 Youth Bikers ṭangkawpin an buatsaih 'Kolasib MotoX Event' chu a vawikhatna atan nimin khan Thingdawl Hmarveng khelhmual-ah ropui tak leh hlawhtling taka zawh a ni.
He event hi ṭhalai hetiang lama tui bakah a thlengtu, a khaw mipuiin an hlut hle a ni.
Kolasib MotoX event a intihsiakna MiMSA hnuaiah buatsaih niin intlansiakna hi Open Class, Novice, 05 Class leh Gearless ah te ṭhenin intlansiak a ni a. Hetiang hi an dinhmun a ni.
Open class
1st- Peter Vanlalrinsanga(thakthing veng, aizawl)
2nd- Samuel Lalramhmuaka(kulikawn, aizawl)
3rd- B.Lalruatsanga(salem veng, aizawl)
Novice
1st- Peter Vanlalrinsanga(thakthing veng, aizawl)
2nd- Andrew Malsawmzela(bungkawn, nursery veng aizawl)
3rd-
3rd- Joseph Laldinthara (maubawk)
05 class
1st- Daniel Chawnglianmawia(kolasib, venglai)
2nd - Ramthankima (kolasib, vengthar, khuangpuilam)
3rd- Jeremy K.Lalrinhlua(kolasib, venglai)
Gearless
1st- Lalvenchhunga(chaltlang)
2nd- Marcus Vanlalsiama (chaltlang)
3rd- Jacob (Aza-a) (Kolasib Diakkawn)
He hun hi Thingdawl Village Council (VC) vice president KC lalbiaknunga'n hunserh hmangin a hawng.
Participatant te hu Aizawl aṭangin mi 14 vel kolasib khawchhung aṭang mi 9 vel, Bilkhawthlir leh Vairengte aṭangin mi 6 tel an tel niin thu kan dawng a. Category 4 awmin, tarlan tawh angin lawmman 12 semchhuah a ni.
Hetiang event motocross hi MiMSA in championship point ah telhin kum tin vawi 2 chu an nei thin a mahse championship poin a tel lo, tuna event ang hi chu champhai ah leh Lawngtlai-ah te an lo buatsaih tawh tih loh chu hmun dangah buatsaih a la ni lo niin kan thu dawnna chuan a sawi.
MotoX ah hian eng bike poh a hman theih a ni a, cc thliar a ni lem lova, a tlangpui hi Hero Impulse hman a ni a. Mahse modified te ni hlom in 195cc ah te an ti chak thin a ni. Heng bakah Yamaha engine R15 hman nasat pawl a ni bawk.
MotoX nghahna Thingdawl Hmarveng Khelhmual hi hman dilna Games & Sports Association (GSA) Thingdawl leh VC Thingdawl ah te thehlut in an nin phal takin an hmantit a, a buatsaihtutee an lawm hle.
MotoX nghahna Field hi a lo hnim nasa tawhin hnatlang in a track tur ansam phawt a, chumi hnu ah JCB ruaiin a kawng siamrem hna an thok leh a. He hna hautak tak thawh nan hian a buatsaihtu lam chuan sum an seng hnem hle niin exploremizoram.com chuan thu a dawng.
Chumi bakah chuan ruahtui lo tla ve reng nen pump ten tui an peih leh a mahse duh thu sam thei lo. Ruah tui tla tlem deuh se chu tuna event neih zawh tak ai khan a hmuhnawm ngei an beisei a, a leh pek a chhunzawm leh an chak hle niin kan thu dawnna chuan a sawi.
Track an duan danah hian kong kual lian deuh, kual ulh te, kawng ki kawi (sikane)te siam niin, lei chung pong (jumpna tur) lian leh te poh siam a ni a, Mizoram track kan hmuh theihah chuan zahpui awm loh leh ṭha tak nia sawi a ni bawk.
A buatsaihtu lam chuan he event hman theihna tur a sum leh pai a pui tute, thalaite hmakhua ngaia Thingdol filed hman phalsaktu Thingdawl VC leh GSA chungah lawmthu an sawi.
He hmun hi MiMSA hruaitu a hmuna chhimte pawhin ṭha an ti em em a, hman reng theih a nih chuan Event lian zawk buatsaihna tlak a ni a, Northeast Event thleng pawh dawl zo turah an ngai niin kan thu dawnna chuan a sawi bawk.
Post a Comment
He post chungchanga i ngaihdan lo sawi ve rawh: