INNEIH NGAIHTUAH MEK TE TANA HRIAT TUR

INNEIH NGAIHTUAH MEK TE TANA 
HRIAT TUR

By. B.Laldinthara (Madina Bunghai)

Inneih ngaihtuah mek te tana hriat tur pawimawh hmasa te:-

 I neih duh kha i damchhung kawppui atan i pawm tak tak thei dawn em? A nuam ringawt ni lo, hreawm ah pawh?

 Amah hrechiang turin belhchianna hun i nei rei tawk tawh em?

 Tisa chakna leh zauthauna lam ngawt nge a ngaihtuaha i hriat,  a rilruah hmangaihna leh lainatna che a nei thung.

Nupui/pasal atan inneih ta ula i hlim phahin i ring em? Nge, loh theih lohnain a nawr vang mai che u a, inneih in tum zawk?

A thuhnuaia awm turin i inpe nge, i thuhnuaia awm turin a inpe, dawhtheihna thuk tak a nei nge thawkho turin a inpe zawk?

Ama nu leh pa leh chhungte hmangaiha zahthiam mi a ni em? A nih loh chuan nang pawh a nupui/pasal tur, a chhungte zinga mi tur i ni a, an chunga a tih bawkin i chungah pawh a ti ve ngei ang?

 Nupa in ni dawn a, chhungte thawhchhuah sa ringawta nupui/pasal neih i tum em? Lo ni ta se, in nupaah, a hnu lawkah hreawm intih dan tur inngaihtuah hmasa thin em.

Miin a chanchin tha lo sawi hre reng chungin sim tir theih i inring zawk?

In chhungte ve ve in in inneih an remti em? Chhungte duh loh zawng neih luih hi buaina thlen thei fotu a nih avangin mahni nupui/pasal tur mah nise, chhungte duhpui leh hriatpui ngei hi a tha.

Engkim inhrilh vek a tha, amaherawh chu mite pawh in an hriat lem loh, zep hlen pawh a nupui/pasal tur pawh in a hriat chhuah theih tur nilem lo, a hriata a rilru natna leh thinrimna leh thikthu chhiatna ang tur thilte phei chu zep hlen mai a tha zawk.

Amaherawh chu a hriatchhuah leh tur ang chi, inchhuahchhal leh nana hman theih tur ang chi hi chu inneih hma a, inhrilh tlang nghal mai hi a tha.

Inneih tur ang pawn thu titlu vek tawh mah ula i neih tur chu tha leh ngang lova hriatna i neih tlat chuan thulh leh hi hreh reng reng tur a ni lo.

A chhan chu nakina,thil pawi tawh hnua inchhir leh ai chuan pumpelh chu i tan a tha zawk ang.

Inneihna hian a engemaw zawk zawk a rawn thlen ngei ngei thin a, chung te chu hlimna, emaw lungngaihna a ni.

Hlimna a thlen theih nan che, i damchhung kawppui tur thlan kawngah  i lo fimkhur hmasa lawk dawn a nia.