Ka thinlung rum ri hian i hnên thleng phâk se,
Reh ri ring tak hi i siam bîkin ka ring lo.
Kan ngaih leh uina che thinlung hian,
Ngaihsak leh chhân lêt beiseiin a thlîr reng che asin.
Hmanah, an sawi thlang kawrvai lanu hmelțha - ANITA meuh pawh kha;
A zûna uai, zo val, hnam tâna 'DINGNGHETA' kha chuan zo hnam vangin sirah a hnawl ngam asin...!!
Engah kher nge, mahni hnam phatsana thlang khuan i dîm bîk kher dâwn le....??
Gold digger vang ni lova,
Hmangaihna vang anih erawh chuan,
Kan va sawi ve kher phâk pawh va awm suh.
Mahse, hei hi ka chah duh che...
Kan lawm em em lai che a,
Kan lâwm tizualtu, Lawmzual;
I lâwm zualna hi i hnampuite lâwm loh tizualtu nih tir lo hram turin....
Mahse...
'Kan hnênah awm ta che, khua pawh a tlai dawn tawh hi...' tia kan auhna che leh,
Ngenna zawng zawng pawhin awmzia a neih chuan si loh chuan...
Hei hi hrereng turin kan duh che,
Hnam kawr ha chung hian hnam hi a phatsan theih a, a eiruk theih bawk.
Kawrchei aia Sari i mawipui zâwk tawh chinah chuan;
He Zoram hi i mikhualna ram tur a ni tawh tih hria la.
Chuvang chuan,
Tuna chinah chuan; i chite chu kan chite an ni tawh lovanga, i thlahte pawh kan thlahte ti-a sawi an ni thei tawh hek lovang.
Goodbye... Dam takin mangțha mai le...
- LT Varte
Post a Comment
He post chungchanga i ngaihdan lo sawi ve rawh: