Aizawl | September 10, 2019: Mister India Mizoram Org chuan Advocacy Tour an lo neih thin chu chhunzawm zelin September 11 leh 12 hian Champhai khaw chhunga School hrang hrang ah MIM Advocacy tour hun hman an tum.
He hunah hian MIM Advocacy Tour in a ken tel 'Promoting Education' , 'Stop Rape' , 'Let's get to Zero HIV new infection' leh Environment venhimna lama awareness tea hun hman tura ruahmanna siam a ni.
MIM Adcocacy Tour hi August thla atang khan tan niin, Kolasib ah hun hman tawh a ni a. Zirlai naupang te hnenah Zirna chungchangah te, Child sexual abuse leh HIV/AIDS chungchangah te, an hriat tur pawimawh tamtak hrilhhriatna hun hman a ni a, naupang ten an hlawkpui hle a ni.
Tun tum MIM Advocacy Tour ah hian MIM org atang in Eddie Zaithanmawia Man of the World India 2nd RU nilai leh, Finalist Zorinkima bakah Zaithiam leh MIM Org Team member ni bawk Hmingtea Chhangte leh MIM Org Secretary Benjamin Pachuau ten hun an hmang dawn a. School a programme an hman mai bak ah Champhai Local Cable TV lamah te pawh media interaction neiin interview an nei dawn bawk a ni.
MIM Org chuan Advocacy tour a lo hlawhtlin theih nana Sponsor-tute Main sponsor Wave Sound & Records, co- sponsors RB MMA and fitness Gym, Afresh, Lalhêma & Sons leh LH Hindi School te chungah lawmthu a sawi a ni.
Post a Comment
He post chungchanga i ngaihdan lo sawi ve rawh: