MIZORAM KHAWPUI HMINGTHANG HMASA BER

MIZORAM KHAWPUI HMINGTHANG HMASA BER

Khawnge mahni lunglen zawng leh  vei zawng ve ta fam chu i han thlasik mau puahpui phawng phawng mai ang aw,tu kum leh sulhnu kan va ruksak azeng a ni em lawng chu maw.mumang lam pawha mang phak lohte pawh mi sawisual kan lo hriat sual nge hriat fuh tih pawh ka thlei hrang thiam pek law.

       A nih han sawi tan mai ang aw.kan thupui takah khian kan pet goal fuh emaw chu.Mizo te hian eng hun lai tak khan nge tuna kan Zoram leilung hi an rawn luah tih hi chiang taka hria hi an awm lo ni awm a ni.ngaihdan atam pawm dan atam tih ang deuhin hriat dan a inanglo nuaih maia.Amaherawh chu pawih ral hlaua thlangtla hmasa an awm a.hengho hian A.D. 1400 leh 1500 inkar vel hian ṭiau rawn thleng thlain AD 1600/1700 inkar velah a nawlpuiin an rawn thleng thla a ni ang tih ngaihdan atam ber awm e.


      Awle,1400 AD vela thlangtla hmasaho chuan ṭiau an kan fela,thui pawh kallovin Ṭantlang hnuaiah awmhmun bengbelin khua an dina,Zorama khawawm hmasa anih avangin mi pawhin an bawhhle a ni an ti.He khua hi alawm Zorama khawpui hmingthang hmasa bera an sawi huai huai CHAWNGTUI  khua chu.chu khawpui thar hmasa ber leh nuam takah chuan chitin,hnamtin an lengza a,chungzingah chuan thang leh thar chena sakhming dai ngailo leh hriat reng tawh tur,

CHAWNGTINLERI pawh alo seilian ve nghe nghe ani,Chawngtinleri hian pianpui unaupa neiin a hming chu LIANLUNGA a ni.naupangte an nih laiin an nu lehpa ten an thihsana,rethei em em in silh leh fen tur eitur tha pawh neilovin,kamrah leh enge maw mai mai ringin,thing delh loh lung delh loh chu anlo seilian ve a,Nula tlangval an lo nih chuan
Chawngtui khaw nula tlangval hmeltha tia sawi huai huai an lo ni ta a,chawngtinleri phei hi chu ahmeltha em em maia,khawtlang tlangval zawng zawngten an ngaizawng ani ber e,a zun lengzam chuan,zaman hmawngthingin thing tam tak a phuara a man zel ang hian,chawngtui khaw tlangval zawng zawng chu a phuar khawm zo vek a chha a ni.chung zingah chuan chawngtui tlangval chhuanvawr Chawngzova chu phelh leh theiha mawilo khawpin a phuar ta si,chawngtui khaw tlangval bakah Lasi, ramhuai tlangval thlengin chawngtinleri zunah chuan an uai ta hlawma,chawngpuii chanchin sawi chu an hlimna leh nuam tih ber ani,Ramhuai lal Lalchungnunga phei chuan tha hi ati em em maia,nupuia neihdan a ngaihtuah zankhua ṭhak mai thin a,Chawngtinleri u Lianlunga mumangah chuan a dil thina,ramsa tam tak te hi a hmuh tira,i nau minpe a nih chuan khung ramsa zawng zawng te khu ita vek tur ani tiin a thlem zan khua thin a,a lo thangharh chuan Lianlunga chu a rilru abuai ve map thin,Mahse a nau chu ramhuai kuta pe turin a phal thei meuh silo,
Ramhuai ho chuan an ruk bo sak ta a,A u lianlunga leh chawngtui khaw ho chu an mangang khawp maia,Chawngtinleri lo ngaihzawng ve em em tu,chawngzova phei chuan awm ngaihna reng a hrelo,an khaw ho chuan ṭan khama lasiho khawpui chu anthlir nitin zankhaw tlaitluan thin a ni,Chawngpuii bohnu chuan,a nuṭa pa Lianlunga chu a ramvak thin a,sahi akap thei em em maia,a vah tawh hi chuan hlawhchhan in a haw ngailo,a nau rubo tuho ramhuai khan an pe tlat alawm le,
Kumkhat chu le an Lalpa chuan.kumtin buh leh bal hawpkhawp in kan thar thin a,kummin chapchar kut chu a ropui thei ang ber leh,hlim thei ang berin kan hmang dawnnia tiin khaw mipui te chu a hrilh hlawma,Lalpa chuan chhungtin ten zubel in neih ang angin zu bilh ula tiin thu a thlung a,chapchar kut chu alo hnai tial tial a,Rammu thin an rammu a,sa tamtak an kapa,chapchar kut chu alo thlengta a,intinin zubel an neih ang ang te Lalmual ah anrawn pu khawm ruih ruih maia, Tlangval leh nula a pui a nawiin Lalmual zawlah chuan anlam su dup dup nileng zankhaw tlaitluan thina,chutiang chuan hlim takin Alaiah khuangbengtu leh seki tumtu an awma,nitam thlatam aliama,hun tawite emaw an tih kha,Nikhat chu hlim taka anlam suau suau a,an suk dup dup lai chuan,vaki hian buhvui arawn thlauh palh hlauh maia,Lalpa chuan ekhai ka khua lehtui  te u ni kanhai tlat mai vaki in buhvui arawn titla hlauh mai,hawh u tinzai relin,lolam ihan thlithlai ang u hmiang,kan buh leh balhi seng tlak la awm imaw tiin thu arel ta a,banzai an rel ve hram ani,Mizorama chapchar kut hmangrei ber ni a sawi chu ka  kapian leh murna ka seilenna vangkhawpui ngeihi a lo ni,
Ni leh thla alo liama,eitur an tlachham maidawn si,an awmna hmun chu chhuahsan alo tul ta si,hreh tak chungin leh lungleng tap purin anin suan chhuak dawnta,chhim leh hmar chhak leh thlangah in thendarh turin,chhungtin chu an in phur chhuak sup sup a,an lungleng tap chunga chibai anin buk chu,an hnaptui nen,mittui nen,an hnaptui tahna(LAZARBAN) te a kur zawk zawk e zuhan ti a mawle,

    He chawngtui khawpui hi alawm  mizorama khawpui hmingthang hmasa ber leh vawiin ni thlenga College zirlaibua CHAWNGTUI KHAW CHAPCHAR KUT,Mizorama kut rei bera an sawi leh thawnthua tun thlenga CHAWNGTUI KHAW ṬEH U an tih chu. Chawngtui khaw ṭeh hi 1500 AD hnu deuh lawk ni awm in hriat a ni.