MZU ah I-Day lawm a ni; Asia Pacific Youth Exchange (APYE), Korea thlah

Aizawl | August 15, 2019: Mizoram University chuan tukin khan MZU Campus Administrative Building kawtah India Independence lawmna hun a hmang.

 

He hunah hian MZU Vice-Chancellor Prof. KRS Sambasiva Rao chuan India Flag pawt parhin kal khawm te hnenah kan ram hmangaih a tul zia te, University hmasawnna tur leh hmachhawp te a sawi.

 

Best Library User Award, Student leh Teacher Category  2017-18  sem a ni a.  T. Lianhmingsanga, M.Phil, Department of Political Science, Mizoram University chuan Student Category ah lawman a la a, Teacher’s category ah Dr. Krishna Kant Tripathi, Department of Education in a dawng thung.

 T. Lianhmingsanga

Mizoram University Sports Department chuan 73rd Independence Day denchhan in “Run for Peace and Integrity” tih thupui a hmang in Ramrikawn atanga Mizoram University main gate thleng intlansiak na a huaihawt. 

Dr. Krishna Kant Tripathi

Men’s Category a pakhatna chu Josia Vanlalruatpuia, Dept. of Commerce ni in, H. Rosiamkima, Dept. of Education chu pahnihna a ni a, Loknath, Dept. of Biotechnology in pathumna dinhmun a chelh. 

  

Women’s category ah Alice Kenye, Dept. of Forestry chu pakhatna a ni a, Manzamawii, Dept. of Environmental Science in pahnihna, TH. Vanlalngheti , Dept. of Education in pathumna dinhmun a chelh. 

Asia Pacific Youth Exchange (APYE), Korea a neih tur ah Mizoram University zirlai te, Mizoram aiawh a kal tur te pawn Independence Day programme zawh ah Vice Chancellor hmu in thlalak pui na an nei. Asia Pacific Youth Exchange programme hi 18th August atanga 27th August thleng Hanyung University, Seoul, South Korea ah neih a ni ang. APYE a an thupui tur chu "Multiculturalism for United Nations Sustainable Development Goals" a ni.

 

He huna kal turte hi mi pariat niin;

1.Jerry Lalmuansanga, Political Science, (Goal 13 - Climate Action)

2.Jenny Lalmuanpuii ,Mass communication (Goal 4 - Quality Education)

3.Ruatdiki Hmar, Political Science (Goal 4 - Quality Education)

4.C. Lalhmingliana, Political Science (Goal 4 - Quality Education)

5.Jonathan Zodintluanga, Political Science (Goal 13 - Climate Action)

6.Vanlalhriatpuia Sailo, Political science (Goal 1 - No poverty)

7.Gospel lallawmzuali, Environmental Science ( Goal 5 - Gender Equality)

8.Christopher Lalthazuala, Geology ( Goal 11 - Sustainable Cities and Communities)

te an ni.