Aizawl | August 9, 2019: Mega Men Mister Northeast 2019 Contest finale ITA cultural complex Guwahati a nizana neih zawh takah Mizoram atanga tel Mizoram aiawhtu Jonathan Thangeo chu winner pathum zingah telin, tangka fai bakah hamṭhatna dang tamtak a dawng a, Mizoram atanga hetiang dinhmun thleng thei hmasa ber a ni.
Mega Men Mister Northeast 2019 ah hian Northeast atangin Finalist 50 awmin , chuta tang chuan atha zual Top 10 thlan chhuah leh an ni a, Top 10 te zawhna leh chhanna hmanga thlitfim leh ni in, Top 5 ah hian Mizoram, Sikkim , Assam, Manipur leh Arunachal Pradesh atangin pakhat theuh an langa, Zawhna leh chhanna te neih anih leh hnu in Sikkim tlangval Sonam Paul Tenzing, Mizoram aiawhtu Mister India Mizoram nilai Jonathan Thangeo leh Manipur Tlangval Lukanand kshetrimayum te chu winner niin, Manipur tlangval hian Mister International ah India a represent dawn a ni.
Mega Mister Northeast 2019 a Mizoram aiawh tu Jonathan Thangeo hi Mister India Mizoram Org comt te tirh ni in, Kum lo awm zel turah pawh Mister India Mizoram Org Comt te chuan Mega Entertainment ah hian Mister Contest bikah Mizoram aiawh tu tur an tir thin tawh dawn a, Mega Entertainment te nen inremsiamna an neih angin Mizoram aiawhtu tur an tirh chuan Audition paltlang lovin Mister Northeast ah hian Direct Finalist nihna anei nghal thin dawn a ni.
Jonathan Thangeo hian, Mega Mister Northeast 2019 Title bakah Mister Game Changer Sub Title ala tel bawka. Finale zana a Tuxedo hak hi Designer Buanga Chhangte kutchhuak ni in, Traditional Costume bikah Mahlui Pearl kutchhuak a inbel bawk a ni. Guwahati ah hian photoshoot leh tihtur thenkhat an la neih avangin ni 4 vel anla cham dawn a ni.
Mega Men Mister Northeast Finale ah hian Mister India Mizoram Org Team atangin MIM Director Moses NG bakah a team ten he hun hi an hmanpui bawk a ni.
Post a Comment
He post chungchanga i ngaihdan lo sawi ve rawh: