Aizawl | August 9, 2019 : Zo Indigenous Forum (ZIF) leh Pang Zirlai Pawl, Joint Headquarters : Aizawl chuan vawiin khan MZP Conference Hall-ah Indigenous People din champha vawi 25-na an hmang.
He hun ah hian Documented Pang Language chu tlangzarh niin, Workshop on Draft India Forest (Amendment Bill) 2019 hman a ni.
He hun hi Laldinthara, Vice Chairman Zo Indigenous Forum (ZIF) chuan a kaihruai a. Albert C. Haokip Director, Zo Indigenous Forum (ZIF) chuan report pe in, C. Lalremruata, Founder Zo Indigenous Forum (ZIF)-in Technical report a pe bawk.
Zo Indigenous Forum (ZIF) hmalaknain Pang hnam ziarang leh hnam lam chi hrang hrangte, hnam ṭawngte a ral mai lohna turin dah ṭhat a ni a. Pang Zirlai Pawl, Joint Headquarters : Aizawl chuan Pang hnam aiawihin lawmthu a sawi a bawk a ni.
He hunah hian Pang Zirlai Pawl, Joint Headquarters: Aizawl President Centenary C. Lalzahawma hnên aṭangin thusawi ngaihthlak a ni a, Pu. C. V.L. Ngura PZP leh RL Liantluanga General Secretary, PRISM Society aṭangin thusawi ngaihthlak a ni bawk.
Draft Indian (Amendment Bill) 2019 chu C. Lalremruata Founder, Zo Indigenous Forum (ZIF)-in sawihawnna a nei a. He hunah hian mi hrang hrang te hnên aṭangin he Bill chungchâng hi sawi ho a nih hnuah a ṭhat lohzia hriain keini Pang Zirlai Pawl, Joint Headquarters : Aizawl chuan he Bill hi Passed lo turin kan duh a, Zo Indigenous Forum (ZIF) hmalakna hi kan thlawp tlat dawn a ni.
Post a Comment
He post chungchanga i ngaihdan lo sawi ve rawh: