KHAWTHLANG TUIPUIAH TUI LUANG HMANGA RAWNGBAWLNA NEIH A NI

KHAWTHLANG TUIPUIAH TUI LUANG HMANGA RAWNGBAWLNA NEIH A NI

Tlabung Unit TKP te chuan Ni 25/08/2019 khan Tui luang hmanga rawngbawlna an nei.

Nimin  tlai lam dar 3:40 velah Missionary kai atanga engine lawng hmanga TKP member 30 vel kal chhuak te chuan Bangladesh ramri dep, Thekaduar thlang lawk,  BGB (Border Guard Bangladesh) Camp Opposite-ah tlai dar 4:30 vel khan Tuiluang hmanga rawngbawlna hun duhawm tak an hmang.

TUI LUANG HMANGA RAWNGBAWLNA CHU:

Bengali/English Bible tract etc-te chu Plastic bawm (box)  engemaw zatah thunin, chhin phui vek ani a. Tuia lâng thei leh Tui huh lût lo tura tih phui vek ani. Heng hi Tui len deuh,  tui lûang chak deuh laiah len thlak tir ani a.  Lui mawng lama Bangladesh thlengin emaw len zel tura beiseiin, emaw heng bâwm (Palstic Box) te hi ringlo mi ten an lo chhar a,  a chhunga Pathian thu (Bible tract) awm chu lo chhiar a,  Lalpa an lo hmuh ve a,  Pathian thlarauin hna a thawh chhunzawm zelna turin Pathian hnenah hlan ani thin.

Hetiang rawngbawlna hi kum 1986 vel atanga TKP Tlabung unit-te hian tui len (flood) deuh hlek lai denchhenin vawiin thlengin lo kal pui chhoh zel thin ani. Vawiin hian Bible tract thunna Bawm (Box)  50 len tir(chhuah)  ani.