NEFL ah Mizoram aiawh Mizo Falcons team in Manipur lakah 3-2 in hnehna an chang

Aizawl | August 27, 2019: North East huam chhung a infiamna reng rengah inel tawkber a ngaih Mizoram leh Manipur Futsal club ve ve in tum tur hi a hmunah borauk a sang nghal reng a, NE Futsal league chanchin ziaktu tam zawk pawhin NE Derby tih in chanchinbu lamah an chhuah nasa a ni.

Inkhelh an tan

Team pahnih ten foreigner neih te bul an tan tir ve ve a, Nigeria player pakhat ve ve leh Spainish nula pakhat ve ve in inkhel bul an rawn tan. Inkhel an tan a, team pahnih te an fimkhur a, game boruak sangtak karah Manipur lamin bul an tan tha zawk. Inkhelh tan atang rei lo teah Manipur player in game an thunun nghal a, Manipur lamin goal ropui thun nghal in an chhuihlut thut. Mizo player ten en liam tawp bak tihtur an nei lo.

Mizo Falcons lam an talbuai phah lo. Passing dik tak tak hmangin an nawr let ve leh a, Mizo Falcons captain Lalawmpuia ( Opa)n mual sir dinglam atangin Manipur defender a rawn pal tlang a, Michaela tan cross ball mawitak a rawn nei a, Michael hian awlsam takin Mizo Falcons tan a goal khatna a thun ve leh. Inkhel a hmuhnawm a, team pahnih te fimkhur takin an khel a, goal dang lut loin inkhelh hun chanve an hmang zo.

2nd half inkhelh an tan leh a, team pahnih te hi Futsal game diktak khelh chhuah tumin passing game an play a, Mizo Falcons lam hian hlaf chance an thun lo leh zeuh thin a, inkhel en a mipui lam thawm a tha hman hle thin a ni. Manipur lam pawh an awm mai mai bik lova, goal thun ngei tumin tan an khawh ve a, an defensive game a hmuhnawm a, counter attack hmangin chiang takin an goal hnihna an rawn thun leh a, Mizo Falcons team ten an si phurh sut tumin substitution an siam nghal mawlh mawlh a, an duh ber goal erawh an thun mai thei lo.

Inkhelh hun a zo dawn tawh minute khat chauh a awm tihah Manipur lamin chak zawk khelhin an khel tawh a, Mizo Falcons plyer te an beidawng duh lo. Pathianin thil ropui a tihsak ta. Minute khat pawh hun awm tawh loah Mizo Falcons tan bench atanga lut Alan Lalhriatpuia a rawn lang a, rulhna goal a rawn thun. Second 20 chauh hun a awm tawh ah Manipur lamin counter attack bawk rawn hmang tangkai leh in player pathum leh pakhat an in hmachhawn a, Mizo Falcons goalkeeper R. Zothanmawia Durtlang tlangval FAM league a best goal keeper dawng hian a lo dansak. Mizo Falcon ten counter attack hmang ve leh nghalin Captain Opa ball siamsak chu Nigerian forward Michael chuan Alan chakna goal pawimawhah a chantir a, inkhel hun a tawp nghal.

 Mizo pasaltha te tawiawm tur a a hmun ngei a mizo lo kal zawng zawng chungah Mizo Falcons chuan lawmthu an sawi a, midang te pawhin rawn tawiawm leh zel turin an sawm nghal a ni.

27.8.2019 tlai dar 5 ah Mizo Falcons leh Meghalaya Thunders te an inkhel leh dawn a, LPS leh YouTube lamah live in a en thei ang.