Tiktok leh Video editing vanga hriat hlawh, Natna khirkhan suallet a hnehtu leh mite ngainat Adeline kan belchiang. Lo chhiar rawh le.
March 13 a piang Adeline te unau hi pali an ni a, Mipa 2 leh Hmeichhia 2 an ni.
Zirna lamah Pawl 10 leh 12 hi St Pauls HSS atangin a zo va, B.A (Geography) 2017 khan Bharati Vidyapeeth University Pune hnuaih 86% hmuin a zo bawk.
2017 May hnuah Tiktok hi a khawih tak tak chauh a ni.
*Tiktok/Musically khawvela I bul ṭan dan?
- Kum 2015 ah a app hi ka hmang tan a, a tirah chuan ka khawih vel mai mai a, 2017 khan ni khat chu ka live stream kha a viral thut a, mi nuaih 2 chuang in an rawn view a, tichuan followers ka gain ta vak a zan khat thil thu ah, 7000 vel atangin 30000 velah a kai chho a, tichuan a hnu ah a app ah min verify chhunzom ta bawk a.
*Sum i hailut em? i hailuh dan - a rem chuan?- Live hian kan viewers ten gift min pek hian account ah pawisa pangaiin a chantir theih a, a then chuan gift mi an pe ve tawp a phut let nei lo in, a then chuan duet pui emaw, follow emaw te an duh vang te a ni leh a..Pakhat leh chu zaithiam te hian an hla te hi hmang turin mi an rawn email a, hetah chuan hnam dang atang bakin ka la dawng ngai lo, chumi zat chu kan pe che nga an rawn tia, chutiang chuan a tiktok app bik ah chuan pawisa mi hrim hrim in an hai luh dan tlangpui a ni a.
*I tawrhna leh lo beih tawh dan:- Tawrhna han tih ah, ka tuar em em pawn ka inhre loa. Cancer vang a ka hrawk an zai khan an zai chhe deuh nge, ka tawng thei lo a, ka zai thei ta lo bawk a rei ve deuh chu, khalai kha a hrehawm ka ti ve deuh a, tawng thei lo hlen tur angah ka in ngaih hman vang khan a hrehawm ka ti ve deuh a. Chumi ti loh ah chuan thil hreawm ka tuar ang ho hi hreawm pawh ka ti em em lem lo thin, mi tawrh bak hi ka tuar biklo ang ka tia, ka chungah engpawh thleng se, a beidawng zawngin ka awm ngai loh phah.
*Harsatna i tawh changa i hmachhawn dan:- Kan tawrh thei theuh tur ang zel bak hi Pathianin kan tawrh a phal lova, chumi chu hman atanga ka rin avangin ka sualchhuak thei awm em mai a tih ka ring lui tlat a, harsatna pawh a sualchhuah ve theih ve leh mai zel.
*Engtik kum aṭangin nge Video edit leh Tiktok/Musically etc ang chi hi i tui/tih ṭan?- 2015 khan musically kha ka khawih ve tan a, transition leh lipsync vel kha nia, editing lam tak hi chu 2018 khan keimah hian ka inzir ve tran a, tutorial pawh awm lemlo in mahniin ka in zir chho ve nawk nawk.
*I tuina hi Mizo ṭhalai tam zawkte tan tui ve chi niin i hria em?- Kei chu lehkha ka zir zawh vek hnu ah ka khawih chauh a, zir tur te zir zawh hma a khawih vak chu a tha ka ti ber lo, atchilh hi a awl ve lutuk a. Chuvangin lehkha tha tak a zir aia pawimawh ka hre lo.
*Miin hah tak leh hun leh tha senga video an siam, awlsam taka Compilation Video lo siam ṭhin ho hi??- Hemi chung chang hi chu sawi tur vak pawh ka hrelo, an siam peih chuan a pawina ka hre loa, mahse mi thil siam sa sum hai luh nan a lo hman tum daih ang ho hi chu report zel mai hi a pawi lo.
I tuina lamah engnge sawi duh leh vei i neih?- Mi zakzum lutuk thin ka nia, khawlai a kal pawh a kun ngur thin, hawi chhuak tha ngam lo kha, hemi thil vel ka tih hnu hi chuan ka zah zumna te a reh ve phah khawp mai.
Ka vei chu maw: Video siam, inla sexy tak tak, taksa lang heng huang a siam ka hmu leh nawlh nawlh thin a, hmuh a hreawm ka ti. Hnam dang Mipa in a it tawngkam a an comment mai mai tur atana an post thin hi ka rilru a lo khei zawk thin.
A duhzawng leh ngainat zawngte:------
Sportsperson- JJ Lalpekhlua
Tiktoker - @frejamusically leh @e_brzy te , an ni 2 hi ka inspiration te an nia
Apps - Instagram, Tiktok
Rawng - Purple, Black, Green
Chawhmeh - Vawksa , Bawngsa,
Incheina - Ka video a ka incheina ho hi ka ngainat ho chu ni mai.
Rimawi - A hunlai ang zel a rimawi rawn chhuak hi ka tuipui zel mai, amah erawh chu Rock music hi ka dah sang ber.
Mizo Ziaktu zingah - Pu Vanneihtluanga hi eng line pawh ziak sela a chiang em em mai zel.
Hla- C.Sanga ( Tawnmang Lasi)
Hla phuahtu - Zirsangzela Hnamte
Mize ngainat zawng - Tawng tlem tak, inngaitlawm, thudik ngaina mi
#Mize ngai nat loh zawng:
- Mi tawng thei, dawt sawi hreh lo, chhe zawt zawt deuh
Hobby- Zai, khuang vuak, milem ziah zeuh zeuh
Relationship status - Nei
Kawppui atan duhzawng:
- Mi care thiam tak , zaidam leh nunem hahahahaha
Zawhna dang:
1. A tel lova i awm theih loh: Ka phone
2. I nun kaihruaitu: Ka nu leh ka pa leh ka unau te
3. Hringnuna i hlauh ber: Khuai
4. I tih ngai miah loh tur: Khuai thah
5. Mizo Tualzal nuna ṭha i tih: Mizo tlawmngaihna hi eng hnam mah in an neih ve loh , a tha.
6. Quote i duh ber: I tuhrah apiang i seng ang.
7. Mizoram leh Mizo tualzal nuna Mizo hmeichhiate dinhmun:- A tha mah mah, Mipa te an tan a ngai hle a ni. I hawi kual vel anga i hre mai ang.
8. Hnam hmingṭhat leh hmingchhiat kawngah Hmeichhiate'n mawhphurhna:- Hei chu, ka veina rei tawh. Hmeichhiate kan mawhphurhna san zia hi, kan che zia leh inchei dan a zir in, hnam hming ti chhe thei chu hmeichhia te hi an ni, hnam ti lang zah awm thei chu hmeichhia te bawk kan ni e.
9. Hnam ziarang chawinun kawnga Hmeichhiate mawhphurna:- Hnam ziarang chawinung tu ah pawh hmeichhia te bawk kan ni, mipa te chu international dress ( kamis leh kekawr ) an ha mai, hmeichhia te ve thung chu mizo thuam famkimin, hnam ziazang tilang chiang zawk tu te.
10. Mizote tan 'Fa neih tlem' inzirtir hi a ṭulin i hria em?
- A tul ka ti lo khawp mai, thil tul lo ber pawl, kan hnam kan la tlem lutuk, kan mang mai anga sin le.
11. Khawtlang, Kohhran leh nangmah:Ka thil tih ah ka buai thin em avangin ka in hmang lemlo khawp mai.
12. Social Media leh Nangmah: Hlimna atan leh thil hrang hrang zir chhoh zel nan ka hmang.
13. Mizoram ṭhalai tam tak tlakchham:- Thil ti tak tak peih kan vang, hnam dangin min rawn chhuhsak zel ang tih a hlauhawm.
14. Mizo ṭhalaite hian ngaihsan tur dik an ngaisangin i hria em?- Hrelo.
15. Ngaihsan tur dik nia i hriat:
- Mi taima , mahni thil tih a hlawhtling leh puitling tak a ti te.
16. Hlawhtlinna tura pawimawh:
- Tih tang tang peih na nun.
17. I nuna hloh i hlauh ber: Ka chhungte
Thalaipuite hnena chah duh:
- Eng pawh kan tih apiangah miten min nuihzat mahse, hlawhtling turin theihtawp chhuahin i bei fan fan ang u.
www.exploremizoram.com hmuh dan:
- A tha ka ti khawp mai, hetiang website te in siam hi. Duhsakna sang ber ka hlan a che u.
(A hnuaia fakna hi lo hmet ve rawh.)
_________________
TT Arts, Chanmari Aizawl-ah T Shirt print hrang hrang an ti thei.
TT Arts, Chanmari Aizawl-ah T Shirt print hrang hrang an ti thei.
Call/ WhatsApp +919615332721
(A hnuaia fakna hi lo hmet ve rawh.)
www.exploremizoram.com in tih tha
ReplyDeletePost a Comment
He post chungchanga i ngaihdan lo sawi ve rawh: