Zonet 0389 July 26 zanah; Mali LPS tia hriat thin kha Mali Zonet a ni dawn ta em ni?

Aizawl | July 25, 2019: Zonet serial thar tur, nakzan maia premiere show leh episode hmasa ber chhuah tur 0389 chuan sawi a hlawhin  ngaihventu an tam hle a.  Ngaihventute ngaihven chhan chu a hrang theuh awm e.

He serial hi Believing.Is.Seeing Projek te siam a ni a. Zonet ah zirtawpni zan apianga chhuah tur a ni.

 

Zonet a chhuah tur serial 0389 ah chuan mipui rin loh leh thawngtu pakhat a awm a, chu chu Pi Lalmalsawmi, mi tam takin Mali LPS tia an hriat mai thin a inaln tur hi a ni a, Chu pawh, amah chauh ni lovin a fanu nen.

Chu chuan a changtute leh a film hrim hrim aiin boruak a siamin, thawm a nei lian a,  mipui ngaihven a hlawh a, exploremizoram.com pawhin zawhna kan dawng hnem hle.

"Mali LPS tia hriat thin kha Mali Zonet a ni dawn ta em ni? tih leh LPS bulpui nia kan hriat thin, LPS lam changa hming lo lang ziah thin hi engvanga ZONET a chhuah tur film ah hian lo chang ve nge a nih," tih leh zawhna dang tam tak a awm a. 

  

Hemi chungchanga zawhna chhangin Pi Mali chuan, 'BISP nen hian kan thawkho a, BISP ah hian ka awm ve tawh a, BISP in Zonet ta tur film kan siam a, kan (BISP) film siamah ka chang ve ni mai-ah ka inngai" a ti a.

"Zonet ah luhna ka nei lova, luh tumna lam ka nei lo" a ti a.

"Mi thiam leh tha tak takte (BISP team) zinga thawh ve ka duh a, kum upat tawh hnu lamah ka nunah engemaw tal hnutchhiah ve ka duh a, ka chang a ni deuh mai," tiin exploremizoram.com zawhna a chhang.

He serial ah hian Pi Mali hian a changtunu nu role a chang a ni.

  

Tunah hian Season One an chang zo tawh a, Season One ah hian episode 12  awm tura duan a ni a, Season tin hi thla 2 emaw thla thum a chhuak ziah dawn tihna  a ni.

0389 season one hi thla thum chhungin chhun mu lo zan mu lova an chan zawh a ni a. Director hi Raymond Colney a ni a, Script hi Raymond Colney leh Steven Ralte in an ziah a ni bawk.

He Serial ah hian Despacito a sak vanga mipui lawm leh hmelhriat, Vanlaltlansaa leh Mizo hmeichhe model zinga ngaihven hlawh, a sam tawi vanga 'Model samtawi' tia mite hriat hlawh Christina Pautu ten main role an play a, supporting role-ah R Lalremruata, Lalmalsawmi (Mali), Rinhlui Pialtu leh Alice Rintluangi te bakah Mizo zinga talent nei tha tak tak an inlan dawn a. Mizoram Entertainment khawvela i lo hmelhriat tawh tam tak i hmu thut thut bawk ang.

He serial hi thalai tam takin an nghakhlel hle a, Film Industry lama mi rilte ngaihven a hlawh bawk.

Aizawl tlangval pakhat, a hming tarlan duh lo chuan, "He serial vang hian LPS pawtte ZOnet ah an insawn loh vek pawhin an pawt kawp phah tal ang," tiin a sawi nghe nghe.

Premiere zawh-ah chiang zawkin kan la tarlang leh ang.