Recalling Memoirs: Youth Icon hmasa ber kha!

Ka lung a leng a ni ang YOUTH ICON kan tih tirh ka rilru ah lo lang tlat. Ka inti awl bawk a, Ka sawi ngai loh ka'n sawi mai mai teh ang.

American Idol kha kan chhungkua khan, ka nu ho khan kan atchilh a. Kan hmaih ngai lo a ni ber a,Mizoram a tih ve kha kan nupa khan kan chakin kan mitthla nasa thei hle.


*** I Hun awlah website a fakna hi lo click ve rawh le. ***

Khatih lai khan UNODC CHARCA khan AIDS awareness an kalpui vanglai, mipui pawh in Aids kan la hriatthiam tak tak hma kha a ni a. 

An hotunu kha Ka niece Apuii Sailo a ni a. AIDS Awareness chungchanga hmalak dan tur sawi turin leng-ah min sawm a. Kan nupa in kan va leng a. Kan dream ; zaithiam thlan te kan han  sawi a, Anni UNODC CHARCA a, Apuii thawhpui Robert leh mi dang khan min lo phur pui em em mai a. 

 

A hming tur engnge ni ang tia kan ngaihtuah laiin, bang a an tar pakhatah hian ICON tih hi kan hmu a. Kan pawm nghal a, tichuan LPS lamah kalin kan boss U Sawma chu kan sawipui a, a ni lah  a lo phurin, LPS atudio a lights and sound mamawh tur ang te a buaipui nghal a.

Keini nupa in a tul dang kan buaipui nghal char char bawk a. CHARCA khan Rs 1,20,000/- in min sponsor nghe nghe a. 

Tichuan, tunge judge ang ti a kan ngaihven laiin Pu Laltea leh Pu Matlana te kan bia a.Anni lah an lo phur, an idea tha tak tak an rawn thawh. Musician tur lamin sawm tur tha tak tak kha an rawn hria a.

A hma in CHARCA nen hian TV LIVE PROGRAM hmasa ber School quiz kan lo buatsaih tawh a, a hlawhtling hle nghe nghe.

 

Tichuan rin phak bak  zaithiam an rawn tel a. A bak chu kan hriat vek kha. Khatiang a prog buatsaih thei kan ni kha ka ngaihtuah let a, sum kha kan um ber ani lo a,a prog hlawhtlinna kha kan no 1 a nih na kha kan hlawhtlinna ani ka ti lo thei lo(Pathian malsawmna kan dawn chu sawi ngai lo in a ni sa a.Tin,malsawm tlak khan kan thawkrim bawk a). kKan nupa hah theih zia te, LPS   lam inpekna te, Technical a LPS neitupa U sawma lo ril zia te ka ngaihtuahna-ah a lo lut zut zut mai. Thawhhona kha a va tha thin tak.  Hlawkpuitu leh dinchhuahna atana hmang an awm chho nawk te hian min ti lawm thin. khang thil kha ka ngaihlu a ni.

*** I Hun awlah website a fakna hi lo click ve rawh le. ***

Politics ka luh tak si ah Pu Laltea leh Joya (ani hi YOUTH Icon  vawihnih kan neihna a pahnihna kha a ni a) ten an han take over a, hlawhtling taka an kalpui chho hi ka lawm khawp mai. Bul kan tan lai a, kan nupa leh Pu Sawma buai theih zia te, Kan musician te thiamzia, ril zia leh  hah thin zia  te, kan judge te lo that zia te, LPS staff ho thawh ho na that zia te kha a va hlu em. Zoram mipui min hlutpui dan em em te kha kan beisei phak bak kha a ni a. A buatsaihtu nihna atang chuan a lawmawm a sin.

Awi, sawi tur hi ka va ngah tak. Pathian zarah ka dam a nih chuan prog dang duan chhuah a nih dan hi ka la share zel ang che u. Khati zat lek sum senga prog ropui tak ti thei a min siamtu Pathian hi a va tha tak em. Tin, sawi hmaih thei loh Pa Dailova LPS neitupa ber min phur pui theih zia kha. Ka ngai thin.

Thil hlui ngaihtuah ngaihtuah tawh hi chuan kan lo upa ve tawh tih a hriat😀😀

 

- Lalmalsawmi (Mali)

*** I Hun awlah website a fakna hi lo click ve rawh le. ***