Aizawl | July 6, 2019: T Robert High School, Bilkhawthlir Golden Jubilee lawmna tur puala siam Music Video chu nizan khan The Grand Hotel, Aizawl ah tlangzarh a ni a, Mizo fiamthu thiam H Rotluanga (Mapuia) in a tlangzarh.
He music Video, Golden Jubilee Hla hi Thanglura Ralte phuah niin, Melody G Fanai leh John L Chawngthu ten mawi takin an sa.
*** I Hun awlah website a fakna hi lo click ve rawh le. ***
*** I Hun awlah website a fakna hi lo click ve rawh le. ***
He Music Video ah hian Mizo Dance Camp te mawi em em in an lam a, T Robert High School naupangte chevel a hmuhnawmin, a video hian mit a la hle a ni.
Music hi David kutchhuak niin, Recording hi Foster Recordings a ni a, Video hi Chiangtea Videography kutchhuak a ni bawk.
He hun hi RJ Micky Chhangte in a kaihruai a,Zozam Real Estate neitu James Ramdinmawia'n a preview a, Rinhlui Tlumang, Angaihi leh John L Chawngthu ten mipui zaiin an awi bawk.
Tin, he hunah hian Mizo Zaimi Inzawmkhawm (MZI), Mizoram Film Forum leh Zo Ri Mawi International te atangin thusawi ngaihthlak a ni a, Mizo Dance Camp in lam mawi tak an entir bawk.
Post a Comment
He post chungchanga i ngaihdan lo sawi ve rawh: