Aizawl | July 6, 2019: Mizoram leh cachar (assam) inrina, Vairengte khaw dai, Lailapur daiah Assam forest deptt in vawiin chhun khan beat office an sa a.
He in sak mek dan tum Mizo leh Lailapur lama vaiho inkarah buaina a chhuak.
He lai hmun hi Forest reserve area a nih vangin a tu lam ve ve pawhin hmalak loh nise tiin DC level ah thu an lo dah tawh a. Hetia hmalakna awm ta mai hi dan lova hmalakna a ni tiin Vairengte mi tlawmngai thenkhat a hmunah kalin titawp turin an innawr a, buaina a chhuak ta niin thu dawn a ni.
He thil thlengah hian Assam lam hi an pawr viau a, buaina lian tham erawh a chhuak rih lo niin kan thu dawnna chuan a sawi.
Vawiin tlai vek khan he buaina chungchangah hian Kolasib leh Cachar thuneitute an inbia a, thu tlukna fel tak awm thei lovin Assam lam hian an sak chhunzawm reng nia hriat a ni.
An sa chhunzawm zel a nih chuan buaina liantham zawk pawh a thleng ang tih a hlauhawm hle.
Helai hmun hi 509 Sq Miles huamchhung a ni a, Tu lam mahin kutthlak lova, Status Quo maintain tura tihna hmun a ni a. Mahse, Assam lam hian kut an thlak reng a. nikkuma MZP ten Chawlhbuk sak an tumna Zophai leh Bairabi dep lamah pawh hma an lak chhunzawm reng nia thu dawn a ni bawk.
Assam in hma an la chhunzawm zel a, Mizoram sawrkar a ngawi reng dawn em ni?
He post hi edit/update zel tum a ni e.
*** I Hun awlah website a fakna hi lo click ve rawh le. ***
Post a Comment
He post chungchanga i ngaihdan lo sawi ve rawh: