Ruahsurin nunphung tikhaihlak

Aizawl | July 13, 2019: Tunlai Mizorama kar khat dawn chhum lo chat lova ruahsur chuan ziawm lam a la pan theih loh avangin, Mizoram hmun hrang hrangah harsatna thlen belhin nunphung ati khaihlak nasa hle.

Lunglei College Veng Primary school thlang mual chu nimin tlai atang khan a khi tan a, tukin lam khan a khi hi a nasat tak zel avangin helai hmuna in 7 te chu chhuahsan a ni a, in neitute bakah inluahtu chhungkaw engemawzat pawh an inthiar chhuak nghal a ni. YMA leh mi tlawmngai ten an bungrua thiarchhuah sakin College veng Community Hall leh Primary sikul ah te an invawm lut a, hetilai hmuna awmte hian darkar tina a khi hi a zau zel thu leh a tlakhniam zel thu an sawi. Lunglei Zotlanga lei khi min hlauhawm tak pawh PWD thawktute chuan a hniam hret hret tih sawiin a khi kara tuihawk a luh lohna turin silpouline-a an khuh bakah tuihawk luan kawina tur pipe zamin ngawrh takin an bei mek bawk a ni.

Hetihlai hian, Hnahthial-ah pawh hmun engemaw zatah leimin avanga harsatna tawk an awm chhunzawm zel a, Hnahthial chhim lam a\anga National Highway pawhna kawng chu leimin in a hnawh vek a, National Highway erawh a tlang hram a ni. Hnahthial leh Lunglei inkar National Highway 54 chu Bel-pui-lui bula leimin in kawng a hnawh a, leimin hian hmawng kung lian tak a minpui avangin thenfai a hautak hle niin PWD National Highway Sub Division SDO Pu H. Lalnunmawia chuan a sawi.

Lunglei North bialtu MLA Dr.Vanlaltanpuia chuan a bial chhunga khuarel chhiatna hrang hrang te tlawh kualin; Mipui tana himlo khawpa lei khi leh tawlh a tam hle a, ruahtui laka khuh hul nan bialtu MLA hian silpoline khawtinah a sem chhuak nghal bawk a ni.

- DDK

*** I Hun awlah website a fakna hi lo click ve rawh le. ***