Champhai leh Aizawl inkara Truck tlan dan tur ruahmanna siam

Aizawl | July 13, 2019: Kumin fur ruahtui nasataka a tlak chhoh leh mek avangin National Highway a puan ve tawh si, zim bawk si National Highway No 6, Aizawl atanga Champhai inkar a kawngpui zawhtu lirthei liante kawngkam dai palh nitin maia chesawn hleithei lo an awm tak nuk avanga lirthei dang tlan vel leh lirtheia chuang mihring te harsatna an tawh mek sut kian nan leh anmahni lirthei lianchi ho pawh inpelh a har si a chetsualna laka an him nan te Champhai to Aizawl inkara Bungraw phur 407 truck chin chunglam tlan dan tur thar chu nimin khan Champhai SP ho in ruahman a ni.

Ruahman danin Champhai atanga Aizawl  pan tur lirthei lian te chu ni inkawpkim (Even days) ah an tlan anga, Aizawl atanga Champhai pan lirthei lian chi te chu ni inkawpkimlo (Odd days) ah an tlan tawh dawn niin thuchhuah chuan an tarlang a, hetianga one way anga an tlan ni hian an tlanni intan hun zanlai dar 12:00 am atangin an tan kal phalsak tan a ni dawn niin tarlan a ni. 

He intlanchhawk enchhinna tur hi July bik atan ruahman rih niin, July thla tawpah thlirlet a ni anga, lirthei vak vel harsatna a su kiang chuanglo a lan chuan ruahmanna dang, fur ruahtui tlak tam chhung chu ritphur lian bik zual tlan rihloh tir thlengin ruahmanna siam theih turin rel niin tarlan a ni.

Lirthei lian tlan dan tur ruahmanna hlawhtlin nan Police lam pawh a bika duty a highway patrolling nei tura ruahmanna siam a ni dawn bawk a ni.