Aizawl | July 6, 2019: Mizoram University (MZU) chuan niminkhan Sports Promotion Programme buatsaihin, Mizo nula Indian Hockey player Lalremsiami Hmar chu Mizoram University Sports Ambassador nihna an hlan.
MZU Vice chancellor Prof KRS Sambasiva Rao chuan, Nula Lalremsiami chanchin leh India Hockey Team a Champion pui tih a hriatin amah chawimawina leh Sports Promotion programme hi an buatsaih tih a sawi a. Lalremsiami'n khati khawpa harsatna a tawk chung pawha tumruhna nen a a team te a champion pui thei kha thalai zawng zawngte entawn tlak a ni" a ti.
*** I Hun awlah website a fakna hi lo click ve rawh le. ***
*** I Hun awlah website a fakna hi lo click ve rawh le. ***
Nula Lalremsiami pawhin thusawiin Hockey a khelh tan dan leh a khelh chhunga harsatna a tawhte leh a thil paltlang tawhte sawiin, Semi Final an khelh dawna a Pain a kalsan dante sawiin, beidawng mai lova hma lam pan zel tura a fuihna thute a sawi a, Lalremsiami chuan a Pa chuan van atangin a lo thlir reng dawn a ni tih hriain rilru nghet takin India Team a champion pui tak thu a sawi a ni.
Mizoram University Registrar, Prof. Lalnundanga chuan he Programme hi a kaihruai a. Pu Laltlanthanga, Secretary, State Sports Council, Mizoram; Ms Lalrampari, Chief Hockey Coach, Sports Department, Govt. of Mizoram leh Ms Zothankimi, President, Mizoram Womens Hockey Association te chuan thusawina hun an hmang bawk.
Dr Saugata Sarkar, Asst. Director of Physical Education, Mizoram University chuan lawmthu sawina hun neiin hun a khar.
Post a Comment
He post chungchanga i ngaihdan lo sawi ve rawh: