Aizawl | July 9, 2019: 16th Mizoram State Muaythai Championship 2019, Ramhlun Boxing Hall-a zawhfel takah Dawrpui Muaythai Club chu team champion an ni a, gold 8 silver 6 leh bronze 7, a vaiin medal an 21 an dawng.
Kar kalta inrinni chawhnu khan kharna hun Ramhlun Boxing Hall-ah neih a ni a, Lalianthuama, President, United Sports Association of Mizoram chu khual lian niin Pu VL Sawma, Sr.Vice President chu khual zahawm a ni.
Mizoram huap inelna lian Muaythai Championship-ah hian district hrang hrang atangin players 168 an tel a, fight bakah Muay Boran leh Wai Kru-ah te intihsiakna neih a ni a. Fight bikah Weight category 36 awmin mimal inelna dang Wai Kru leh team inelna Muay Boran a awm bawk.
Ni 4 awh 16th Mizoram State Muaythai Championship 2019-ah hian pahnihna MTC Chaltlang chuan gold 8, silver 6 leh bronze 5 an dawng a, team champion an phak teuh hle a, pathumna Falkland Muaythai club chuan gold 3, silver 3 leh bronze 5 an dawng.
Best Fighter-ah Lalngaihawma, MTC thlan a ni a, most promising fighter ah Lalruatkima, Falkland thlan niin best disilcipline team-ah Vairengte Muaythai club thlan an ni.
*** I Hun awlah website a fakna hi lo click ve rawh le. ***
Post a Comment
He post chungchanga i ngaihdan lo sawi ve rawh: