Aizawl | July 9, 2019: Nimin (Thawhtanni) chawhnu dar 10 khan a vawi khat nan Directorate of Health services Conference Hall, Dinthar Aizawl-ah World Zoonosis day hman a ni a. ZR Thiamsanga, MLA in Khuallian niin hun a hmanpui.
He hun hi Dr.F.Lallianhlira, Health Department Principal Director in a kaihruai a. Dr.F.Lallianhlira chuan thusawiin Hriselna hi State Sawrkar mawhphurhna a ni a, chumi ah chuan mitin hian tih ve tur kan nei a ni ati. Tin, hriselna kawnga ramin hma a sawn zel theih nan kan ram hruaitu te zingah Medical lam mi kan nei chu lawmawm a tih thu sawiin, Khuallian Dr ZR Thiamsanga, hun rei tak Health Department tana theihtawp lo chhuah thintu tuna Health & Family Welfare Board-a Vice Chairman dinhmun chelh thei kan nei ta chu lawmawm a tih thu a sawi bawk .
He hun hmanpuitu Dr.ZR.Thiamsanga, MLA, Vice Chairman, Health & Family Welfare Department Board chuan thu sawiin Primary Health Care kan tih, thingtlang hmun kilkhawr ber, mitin thleng phak kan neih theih nan theihtawpa tan kan lak a ngaih thu a sawi a. India ramah hian Zoonotic disease tamtak a awm mek a, heng zing a Scrub typhus, Rabies, Swine flu leh Leptospirosis te hi Mizoramah kan nei ve mek a ni. Heng zingah hian, Scrub typhus hi tun dinhmun a Mizoram chhunga kan buaipui ber leh tam ber a ni a, Zoonoses natna kan tarlante hi confirm leh confirm mek an nih hlawm avangin, Department hmalakna a lawmawm hle a ni tiin theihtawp chhuaha hmala zel turin sawrkar pawh a inhuam hle a ni a ti.
World Zoonosis day hi 6th July-ah kum tin hman thin a ni a, Amaherawhchu, kumin hian holiday a nih avangin nimin khanIntegrated Disease Control Programme(IDSP) buatsaih in hman a ni ta a ni. Zoonoses /zoonotic diseases chu, natna chi hrang hrang ransate atanga mihringin kan kai chhawn thin te sawina a ni.
*** I Hun awlah website a fakna hi lo click ve rawh le. ***
Post a Comment
He post chungchanga i ngaihdan lo sawi ve rawh: