Hriata chhangte in BJP zawm; Mizoram BJP ah MIssionary Cell din min phalsak - Hriata Chhangte

Aizawl | July 13, 2019: NImin khan MP inthlan kan neih zawh taka independent a ding, Pu Lalhriatrenga Chhangte, Hriata Chhangte chuan BJP Mizoram a zawm.

He hunah hian BJP Mizoram mi leh sa leh Party hruaitu an kal tha hle a, Hriata Chhangte chuan thu sawiin, "Hun rei tawh tak atang khan Mizoram leh hnam dinhmun hi ka lo tuipui ve tawh thin a, kan State sawrkar natna vei lian ber nia ka hriat chu EIRUKNA ( Mipui sum diklo taka hman ral) leh ram leh hnam hruaitu te'n tih tak meuhva hmasawnna awmze neilo an buaipui thin vang ani. He ka thil vei em em 2 te hi tuna kan Party lian 2 te hian an lo ruling tawh chhungin an thupui lo hle tih ka hria, BJP erawh chuan Delhi lama an hotute chet duh thin dan ngaihtuahin eirukna leh picnic style a ram hruai tih vel hi an duh loh ber thil ani tih ka hriat avangin BJP tluk a zawmawm party hi awm thei lovin ka hre ta ani." a ti. 

"A bikin Mizoram mipuite, a hming tala Kristiante hian mak angreng, maklo angreng takin BJP hi India ram mai nilo khawvel pum pawh a party lian ber , Member Nuaih 1100 dawn nei hian KRISTIAN te hi haw riau leh rahbeh tlat tum nia Mizoram Congress Party chuan an lo theh darh thin avangin ngaihtuah chiang manglo tan chuan thil ni tak tak emaw tih mai te pawh a awl aniang. Mahse kum 30 dawn Vairam khawpui hmun hrang hranga ka awm kual tawh hnu hian Hindu sakhaw be tute hi khawvel sakhaw hrang hrang betu te zingah chuan zaidam ber ( most tolerant and accomodating religion) an ni tih hi ka chiang a. Chuvangin India rama kan la awm chhung na na hi chuan BJP hi a ruling chho tlat tlat em loh pawhin a ruling chho hle dawn tih a lang reng a. Chuvangin keini ang State te leh rethei hi chuan engti zawng pawha thawk kan lak dawnin Central sawrkar hne lovin kan che thei hrih dawn lo tih ka chiang lawi si avangin....kan Mizo Kristian unaute hnenah hei en rawh u...BJP , abikin Mizoram BJP chu heti zawk hi alawm an MIZIA chu lo nih le tih kawhhmuh hi ka tih tur, ka Mission ve liau liau ah ngaiin MISSIONARY THINLUNG puin , ni 4 July 2019 zana BJP North East Coordinator Ajay Jamwal an ka thil tih duh ber pakhat Mizoram BJP a MISSIONARY CELL din min phalsak takah kha chuan BJP hi zawm ka tum nghet ta tlat ani."

Kei hi kan PM Modia zia ang pu deuh roh hi ka ni vea. Awm mai mai theilo, mahni ram leh hnam tana eng emaw thil tha leh tangkai tih tum tlat reng, che sek sek reng ka nia. Tun April thla MP inthlan ah pawh khan hei chiah avang hian Independent Candidate a kan chuh ve thawr kha. Ka ngaihtuah vang vang hian Central ah BJP hi an lo lal leh ta satliah mai nilovin an la lal chho tluk tluk mai dawn sia, khawnge engtin nge Mizo Kristian ten min ngaih ang tih pawh dawn sise lovin BJP bu pui a zuan luh vea, theih ang tawk tawka kan State leh Mizo Kristian Indian Tribal ni mekte tan hian a tangkai thei ang berin Pathian tih leh rawn chung zelin i han che ve dawn tak tak chhin teh ang hmiang maw le tiin vawiin ni hian Mizoram BJP hi ka rawn zawm ta hmiah mai ani. Mite chek mil zawngin, mite lawm zawng tur kher hisap nilovin a theih ang kawng kawnga mite tan a malsawmna nih tum hram hram hi kei chu ka MISSION IN LIFE ani tiin a sawi a ni.