ASSAM FOREST-IN AN OFFICE SAK AN LUAH LUT

Kolasib | July 7, 2019: Assam Forest-in an office tur ramri buai a puan chhung Vairengte leh Lailapur inkar sipai cinema hall awm thinna a an sak chu Assam IR / AP te venhimna hnuaih an luahlut tawh a, Assam IR hian Office hi tihbuai a nih loh nan silai nen an veng tlat a ni. 

Nimin zing lam khan helai hmun cheibawl hna hi Assam Forest te hian an thawk tan a, he thu hi hriat a nih ve leh Kolasib atangin Adll. SP leh Vairengte SDPO te a hmunah Police leh IR hruaiin an tlan thla nghal a, tih theih vak erawh an nei lo. Nileng a Assam Forest ho mi rawih ten office an sa lai en kha an tihtheih chu a ni deuh ber mai. Forest ho pawh hian silai an keng fur a rifle chhuak hlui kah na deuh deuh chi a ni hlawm..  

Nizan thim hlim vel khan Office sak hna hi chawlhsan angin Assam lam hi an awm mahsela, office hi zan rei lamah an lo luahlut a, Assam Forest lam hian  Office an luahluh lai tak hi hriat ni lo mahsela, nizan zan rei tawh tak emaw zingkar hma tak niin hriat a ni a, office hi Assam Police/ IR venna hnuaiah an luahlut a ni.

Hetihlai hian Mizoram IR platoon khat chuan Vairengte hnaih BRTF awm thinna chu an luahlut ve thung a, Mizoram IR te hi Assam Forest office thiat tura tirh an ni loa,  boruak thalo beng dai tura awm an nih thu dawn a ni.

- Zmp Tlau A


*** I Hun awlah website a fakna hi lo click ve rawh le. ***