SELNA KARA LENG MIZO ZIRLAI PAWL (MZP)

- ✍🏻 Vidpuia Hrahsel
Contributing Editor,
Explore Mizoram

Hre chiang hlei lova, intihria, hre hmasa ber nih tum, mi dangte zahpah map lova mahni intifing leh indahsâng, mi thusawi engah mah ngailo, mahni dik inti, endiktu (judge) ang mai a inngai, vantlang ṭawngkam lâr tak pakhat pawh 'ka kawr i ṭhui dawn loh chuan mi teh suh!' tih pawh hi mi teh kan chin vang leh mi thlei ran a awm kan chin vang vek zu nia, ṭhenawm te nen a ram inchuh reng thawm te, mahni hminga hnamdang sponsor te, kan chi puite aia hnam dangin an ngam sân zawk avang leh sum ringawt hmachhuan tu, laina hnai ringawt hnena ngaihtuahna sen te, insawipui a ngaih zelna te ram hi i hria em? MIZORAM ngei hi a ni a sin!

Hei mah mah, ar chil zat lek a ni e, kan duhzawng ah chuan phung zinga piring vawrh ang maiin kan bâwr huk a, kan inchuh luai luai a, kan inchan lova, hlauh bik nei ho an invulh lenna ram, thuneihna zâwnga intilian, aia sang zawk te hmaa bawng chaw pek dawn a kun dû dû ang maia kun leh dû dû si, vua leh vang te leh hmelhriat te  duhsak pe na  ram,  mahni inhrechiang lova, midang te khei ran ching, pi pute rothil hlu 'aia upa zah'  tlahniam ta lutuk te, sawi sen a nilo, he hnam hi a tluchhe mek a ni. Mizo Hnam hian zawi zawiin mi ṭhahnemngaite leh a taka che chhuak ṭhin te, ram tana mahni tha leh zung seng a, fanaute kalsan a, ram tan a thawk te, ram tana chawl lova Pathian au tute vang hian kan ram hi a la kal ve ṭauh ṭauh a ni.

Kan ram hi nau kal zir ṭan tir ang hianin  a áwn a áwn a, kan ram hi a  tlu lek lek ṭhin a, mahse "Hraite kal chhet chhet" ti a, zuapa in a hrai a kai ṭhin ang mai hian he kan ram hi mi ṭhahnemngaite leh hnam a chiang Mizo ṭhalai te leh he hnam tana mi inpê ten kan ram tlu mai tur,  an kai lui tlat ṭhin avangin kan ram hi tlukchhiat lam aiin ngaiawh zai a rêl ṭhin a, mahse sêlna ânka deuhsawhna,  've si', ti  leh tih tur hrelo tia dem hlawh bak a tawng ngailo.

Thil hrechiang hmasa lo leh, thu hriat tlêm te atanga mi teh chîng te dem hlawh Mizo Zirlai Pawl thiltum pawh hrelo bawk hian a ni, he pawl hi sel thin, MZP thil tum nambar pakuana (9) ah chuan heti hian a inziak a :

'Mizoram leh Hnam tluchhe tur ven tlat' he thu i chhiar aṭang hian, zirlai pawl chuan an zirlai kha zir se, an huanglo buaipui tawh suh se tia he pawl thianghlim dem a, sel tu khan 'a lo ni maw', tiin emaw 'a lo nih tak hi a,' tia i sawi phûtin emaw pawl thiltum hrechiang tura rawn ziak leh pawl thlavang hauh vanga lo ziak ka ni lova, he pawl hian engtiangin nge kan hnam tan tha an thawh leh zel dawn ti leh, kan ram leh hnam humhalh tura pèn ṭhin i hnam pui Mizo Zirlai Pawl te hi i thlawp dawn? Lo inzawt rawh le? Kan ram leh hnam tan hian eng chen nge tha i lo thawh a? Mizo zirlai leh hnam tan hian eng chen nge  dikna  humhalh tura ke i pèn chhuah ve le?

 Selna kara leng Mizo Zirlai Pawl hian hmalam pan zelin, a tuang tichhah belh zel tumin leh kan ram leh hnam tan a theihtawp chhuahin ke a pèn ve zel a, he pawl thil tum hrechiang lova, 'MZP VE SI' ti ti ho khan, scholarship an hmu leh silo va, ve si te ho bulah an va zualko ve leh thin si a, Mzp erawh chu pawl thiltum leh awmze nei taka kaihhruai anih avangin leh zirlaite leh ram leh hnam hmasawn nana thawk anih avangin englai pawhin i ban phâkah, i dikna chanvo a lo humhalh in i thlavang a hauh sak ang che.

*** I Hun awlah website a fakna hi lo click ve rawh le. ***

Mizo Zirlai Pawl tih tur hrelo ho, tiin min sel mah se, he pawl erawh hi chuan 'Rokunga' Raltiang Ram thlir ranin, a thiltum sawmpakhat (11)  hlen tum zelin a kal beuh beuh a, demna leh selna karah leng MZP hi a dingchhuak leh nge nge ṭhin a ni. A thiltum hre úk silo, a hmalakna hrang hrang sawi hnawm a, mahni tana hlawkna ni miah silo, hian kan buai em em a, mi sawi hnawm avangin, hrechiang silovin, he pawl MZP hi

mi sawi hnawm sa avanga a pâwl pumpui teh nan i hman chhung chuan, engtikah mah a phen a he pâwl thiltum hi i hmuchiangin he pawl tum hi i thlawp thei lo vang.

Mi te selna karah he pawl hian hmalam panin a thil tum nambar pangana (5) na ah chuan 'Mizoram leh Hnam tana mi ṭangkai ni tura zirlaite buatsaih', tiin a chuang a, kan ram Mizoram zirlaite tan a, ding a nih ang ngeiin, zirlaite dikna humhalh turin ke a pen a, kan chanvo kan  humhim  theihnan a meizanghlaptu MZP chuan theihtawp a chhuah ṭhin a, innawrna leh invauna te,  ram leh hnam chhan avanga, sawrkar hotu lian hmaisen a tawng ṭhin te, thisen chhuak hial khawpa kan ram a humhim te, ramri chhung ngei a, chawlhbuk a sak avanga, silai karah huaisen taka he ram tana a beihna te, i theihnghilh mai dawn em ni?

'MZP Changrel a sual ngai lo - Awithangpa'

A sual zeuh zeuh tiin i lo sel ṭhin maw, a changrel tu zinga tel phak leh, a dai chin dai pha i nih ka ring hauhlo, MZP thiltum nambar (7) na ah chuan : 'Inchimral theihna laka Mizo hnam humhalh' tih a chuang a,he thu ziak i chhiar aṭang hian Mizo Zirlai Pawl hi zirlaite chauh thlur bik tura i rinna kha, a danglam em? Sikul tinah zirna ngawr ngawr kan buaipui thin em? A phenah hian thil tih ṭhin leh sapṭawng takin 'Education is All round development' an tih ang tak hian, MZP hian zirna ngawr ngawr chauh a buaipui lova, he ram leh hnam tan hian thiltum ngelnghet leh inkaihhruaina mumal ṭha tak a nei a ni.

He pawl hi miten deuhsawh in sel thin mahse, keizawng Mizo Hnam tan hian a theihtawp chhuah zel tur leh, kan ram leh hnam tan a penchhuak a, kan ram tluchhe tur veng a, kan ram leh hnam humhalh a, venghim tur hian an mawi ka ti tawk a, he pawl ropui tak hi thlawp zel a, MZP kal zel tur hian kan ram tan a 'Raltiang Ram,' min thlen pui theih ngei nan huai taka kal zel turin duhsakna ka hlan e.