Aizawl | June 18, 2019: India sawrkar leh MNF in inremna an ziahna champha vawi 33-na, Remna Ni June 30 chu kumin hian Pathian ni a nih vangin June 28 hian Mizo Zirlai Pawl huaihawtin hman tum a ni.
A lawmna pui ber, MZP general headquarters buatsaih Lammual, Aizawl-ah hman turah Mizoramin remna a neih theihna atana hmalatu mi pali; Pu Lalduhoma, Rev. Dr. Zairema, Rev. Dr Lalngurauva leh Rev Dr HS Luaia te hnenah MZP in chawimawina a hlan dawn.
He thu hi vawiina MZP general heradquarters executive committee meeting an pawl president L Ramdinliana Renthlei kaihhruaia neih chuan an rel.
MZP chuan nikkum khan Mizoramain remna a neih theihna atana thawk ṭha nia an hriat mi pathum - MNF dintu leh president Laldenga (L), MoS ziah laia Mizoram chief secretary leh inremnaa hming ziaktu Lalkhama leh, MoS ziah laia chief minister Lal Thanhawla te hnenah chawimawina an hlân.
Remna Ni-ah hian Zirna in hrang hrang atangin Solakia leh Cheraw lam an entir anga, Zaithiam hrang hrangten hnam hla an sa bawk ang.
Remna Ni hmanna-ah hian Aizawl khawpui chhunga High School leh Higher Secondary School zawng zawngte School Education Directorate aṭangin kal phalsak an ni a. MZP-in Remna Ni a hman turah hian Aizawl khawpui chhunga High School leh Higher Secondary School zirlaite leh zirtirtute kal vek turin MZP chuan a ngen a, zirlai leh zirtirtu kal phalsakna min petu School Education Department Minister Pu Lalchhandama Ralte leh a thawhpuite chungah MZP chuan lawmthu an sawi.
Remna Ni hmanna-ah hian Aizawl khawpui chhunga High School leh Higher Secondary School zawng zawngte School Education Directorate aṭangin kal phalsak an ni a. MZP-in Remna Ni a hman turah hian Aizawl khawpui chhunga High School leh Higher Secondary School zirlaite leh zirtirtute kal vek turin MZP chuan a ngen a, zirlai leh zirtirtu kal phalsakna min petu School Education Department Minister Pu Lalchhandama Ralte leh a thawhpuite chungah MZP chuan lawmthu an sawi.
MNF-in March 1, 1966-ah Mizoram independence puanga zalenna an sual a, kum 20 chhung Mizoram chu rambuai a nih hnuah, June 30, 1986 zanah Memorandum of Settlement ziah a ni a; Peace Accord an tih mai, MoS-ah hian MNF president Laldenga, Union Home secretary RD Pradhan leh Mizoram chief secretary Lalkhama ten hming an ziak a ni.
June 30 hi kum 1986-a Mizo National Front (MNF) leh India sorkarin inremna thuthlung an ziah champha a ni a, Mizoram hmun hrang hrangah lawm a ni dawn. Mizoram hun tawnah, MNF leh India sorkarin inremna an ziah ní hi Mizo mipui zawng zawngte lâwm ber ní a ni hial awm e.
Post a Comment
He post chungchanga i ngaihdan lo sawi ve rawh: