SUCCESS STORY: MCS PAWH HRE PHA LO A LEHKHA ZIR MCS A NI

- ZMP Tlau

Pu Neng Thianlala, MCS Bilkhawthlir BDO ni mek hi Champhai District a khaw kilkhawr, Manipur leh Mizoram ramri dep, Khawkawn khawchhuak a ni. 

Pu Neng Thianlala MCS hian pawl 10 thleng Khawkawn-ah lehkha a zir a, Khawkawn a lehkha a zir chhung hian MCS hming pawh a hre ngai lo a, MCS hre ngai ta lo chuan MCS nih tumna pawh a nei ngai lo a ni. 2004 khan khaw kilkhawr tak atangin Matric a exam ve ta a, First Division-ah a pass a, Khawkawn a Matric First Division a pass hmasa ber a ni ta nghe nghe a ni. 

Champhai District a Khawkawn Tlangval hian an khuaa zirna sangber-ah a pass chhuak ta mai si a, zirna zir zawm tura a fehchhuah a ngai ve ta a ni. Thingtlang tlangval rethei ve tak tan hian zirna chhunzawm dan tur hriat a har ve viau ngei ang. Amah ngei hian vawiina Bilkhawthlir North YMA day a zirlaite a fuihna ah..  "Retheihna hneh ngai khawpa rethei chungin lehkha ka zir a, MCS hi nih ka tum ngai lo a, MCS hi a awm tih pawh ka hre ngai lo" a ti hial a ni. 

Zirna sang zawk zir tumin a puanthuah a tel a, lehkha zirna tur school zawng hmasa lovin Aizawl-ah awmna tur a zawng ta ringawt mai a ni. Awmna tur a zawn takah chuan Chhinga vengah awmna tur a hmu ve ta a, duat taka he thingtlang tlangval lehkhazir duh pawisa nei bawk si lo, lo enkawltu hi Pi Ralliani, Chhinga veng a ni ta a ni. 

Pu Neng Thianlala hi Pi Ralliani hian Govt. Higher Secondary School-ah kal tir ta a, heta a pass hnu hian Pi Ralliani te in a awm chung bawk hian PUC ah a kal leh a, BA chu Gold Medalist ngatin a pass chhuak tak nghe nghe a, Khawkawn BA Gold Medalist hmasaber a ni leh ta a ni. 

UPSC lamah inziahtlin a duh hle a, kum hnih lai chu a bei ve lauh lauh nghe nghe a,  UPSC exam hi tlin ngangin a in hre ta lo a ni ang kum hnih hnuah a tawp san ta a ni. 

2010 atang khan MPSC lam a hawi ve ta a, vawi riat exam-ah a inlan a, Mizoram Civil Service a ni ve ta a, tunah hian Khawkawn tlangval, rethei em em mai, lehkha zir tur pawh a retheihna sual chhuah hmasak ngai Neng Thianlala hi  Bilkhawthlir Block Development Officer ( BDO) a ni mek a ni.  

Khawkawn tlangval, Mizoram a hna duhawm ber a ngaih Mizoram Civil Service ni ta hial leh UPCS exam pawh zuam ve zek zek hian  Mizoram pelin lehkha a zir miah loa, "Ka zir chhuahna sikul a chhia, tih hi ka bulah sawi ngam tur in ni lo," a ti ve ngat țhin.

=Harsatna a tawh nasat dan tur te, a khua a har ve thin dan tur zia te chu.. kur pui nguai lo mai ang..