Aizawl | May 31, 2019: Reiek tlang kawng chu Motor tlan theihna tur a siam tum in hmalak mek niin kan thu dawnna chuan a sawi.
Hemi bakah hian a tlang tawntirh lungpher pawh a nal lohna'n ker chik vek tum a niin sawi a ni bawk.
Hemi chungchangah hian Reiek VCP Vanlalchhuanga chuan, "Reiek khaw mi ten Reiek tlang panna kawng siam chu an duh vek nia a lan thu a sawi niin The Zozam Times chuan a tarlang.
Mahse, hemi chungchangah hian thutlukna tawp siam a la ni lo niin, "thutawp
siam tur erawh chuan khawtlang huapa inrawnkhawmna buatsaih a nih
tur thu a sawi" tia tarlan a tang hian a lang.
Mizoram ni tin chanchinbu darh zau tak, The Zozam Times in a tarlan dan chuan Reiek VCP Vanlalchhuanga chuan tun thla ni 13 khan tourism minister Robert Romawia hovin chief secretary Lalnunmawia Chuaungo, commerce & industries deptt. director J Hmingthanmawia leh Reieka pawl hrang hrang leh kohhran hrang hrang aiawh ten Reiek tlang panna kawng siam chungchang chu an sawi leh a. Mahse, thutlukna mumal erawh an nei lo niin a sawi a. Chief Secretary hova khawtlang huapa inrawnkhawma thu tawp chu siam tum a nih thu a sawi.
Reiek VCP chuan Reiek tlang panna kawng siam tura ruahmanna siam a nih tawh thu sawiin, ruahman dan chuan Zokhua-ah dropping zone siamin heta tang hi chuan guide ten motor dangin tlang lam panin tute pawh an hruai tawh dawn tih a sawi a. Lirthei chuan tlang chhip thleng lovin phul chinah dropping zone siam leh a ni ang a, hetah hian ei leh in lei tur te a awm ang a, tumahin hmun dang atanga ei leh in ken luh loh tur a ni. Lirthei in thui tak kal theih ni dawn mahse ke-a kal duh tan pawh a kal theih tho dawn a ni.
May 30 thleng khan Khawtlang huap inrawn khawmna erawh neih a la ni lo niin exploremizoram.com chuan thu a dawng a. Engtikah nge an neih dawn tih pawh hriat a la ni lo niin kan thu dawnna chuan a sawi.
He thil hi a darh atangin duh lotu an tam nghal hle a.
He hmalakna hi a kal tak tak dawn chuan dodal tum pawh an awm nual nia thu dawn a ni bawk.
Nungcha Hmangaihtu pawl leh Nature ngaina tan chuan kawng siam țhat mai ni loin motor kal hrim hrim pawh hian nungchate awm dan phung a tih danglam nasat avangin helh tham nia ngaih a ni.
Tun dinhmun ah chuan Reiek tlang pan chhohna ngaw a nungcha din hmun hriat theih chinah, 2017 tun ang hun vel ah chuan nungcha pawh an la țhahnem viau a, thlasik thleng in nungcha pawh an la tam fu ani awm e. 2018 a lo inher chhuah chuan beisei ang ni lo mahse țhahnem ve tham tak mai an la awm a. Hleikapsen ngat phei chu tam tak tih tham zet hi an awm a. kawngkam a an bu rigawt pawh 10 chuang lai ani. Sihal pawh an țhahnem nek mai a. sava lam pawh an awm nual bawk.
Kum 2018 khan Reiek Tlang hian kum dang zawng aiin a ngah ta a. Mipui thawm mai piah lamah motor thawm beng chheng lutuk mai chuan Tlang kawng tluan mai chuan a luah ni tin mai thin a, chu mi rah chhuah chu 2019 ah hian a rawn lang țan ta a, Hleikapsen hmuh tur an awm tawh lo tih thei ani a. Sihal chaw pek tur pawh an awm tawh lo a. Nungcha dang hrim hrim pawh an vang ta hle mai.
Kawngpui hi tih tlang a motor awlsam taka kal theih tura ruahmanna siam niin thu dawnna chuan a sawi a. Chutiang anih chuan helai hmun hian a hlutna a ti hniam nasa dawn a. Ramngaw țha tak a chhung a cheng awm lohna hmun ah a chang thuai thei dawn a ni.
exploremizoram.com
Reiek tlanga Motor lawn tir hi a tul reng em? Reiek tlanga hah tak leh rim taka kan lawn a, a tlangchhip kan thlen hnua Zo thilfim kan dawn hi a hlutna a ni zawk lo em ni?
Ramsa hmuh mai tur la awm te hi Reiek tlang ti reiek-tu a ni si a, Hengte hi an kian hun chuan Reiek tlang ruak kan chang mai ang tih a hlauhawm.
Mizo hmun hlui tam tak hmasawnna chhuanlamin tihchhiat a ni tawh a. Thasiama seno neihna tlang pawh step tha taka siam a ni a, a hlutna a bova, thalai tlawhtu tam takj phei chuan, "lawn theih loh chhan tur a awm hleinem, Step a lo tha em a nih hi," tiin fiamthu thawhnan an hmang fo reng a ni.
Reiek tlang hian Chhantu a mamawh em ni? Tunge ding chhuak ang??
Engnge an sawi?
Nature an tichereu ang tih ka hlau hle.
- Lalduhoma MLA & ZPM Leader
Ka thu chu ni se. Anihna ang ang sawn ka dah ang.Reiek khua ni ta ila.sum siam nan ka duh anih chuan sakawr ka vulh ang a.hire theih in ka siam ang.
- Lalmalsawmi, Councillor AMC
"..tha ka ti lo. Lirthei kal theihna tur a kawng an siam a nih chuan a hmun a kal nawmna te a bo phah ang a, ke a kal ngei kha a hlutna pakhat a ni a. A hmun hma en in tunah ke a kal chung pawhin bawlhhlawh, nepnawi kawr te hmuh tur a tam tawh nak laiin, lirthei han lut chho chiah phei se chuan mipui ten kan ngaimawh em em 'bawlhlawh hnutchhiah' hi inkhap sen a ni lo ang. A chhe lam zawng in ka thlir pawh an lo ti mai thei. Mahse, ngaihtuah chian chuan a thatna tur leh hlawkpui na lam ai mahin a hlutna kan tihbo hi a hlauhawm takzet.
- Sangtei Renza, Singer/Actress
... he thil hi ngun taka ngaihtuah chuan thil tha ber niin ka hre lo.
Thasiama Se no neihna hmun tia kan sawi thin, tlang/mual bawk mihring tan pawh a lawn harsa takah Sepuiin a chhip zawlah no a nei a, a mak thu kan sawi a, chu tak chu a hmun tihlu tu pawh a ni. Mahse tunah chuan hmun pakhat pawng bawk ve satliah mai, Step in dawh zui ringawtah kan chhuah zo ta. A thawnthu leh hmun rem lo taka Sepui no neihna kha mitthla a han suangtuah ngaihna awm lek lovin kan ching chhe zo vek ta chu a ni a. Khi hmun a Step dawh zui tu te khian Mizote hmun pawimawh tak chu a ropuina an tichhe vek zawk a lo ni. A hming chiah khi a ni ropui ta a chu.
Reiek tlang pawh hi kawngpui sial kher lovin a chhip a kal duh te chu ke in an kal mai ta lon'g. Hnam dangte pawhin lo tlawh duh se, Tour Guide ten Ngaw karah an hruai mai ang chu..
A Natural Beauty ti-chhe zawng hi chuan kan hmunhma neih chhun te hi chu i suasam tawh lo hram ang u.
- Vanlalliana MSU President
Reiek tlang phul chin chhungah eng lirthei mah thleng thei lo se tia duhtu zing ami ka ni reng. Phul chin thlen hma daih ah kawngpui hi tawp se. Kawng tawp chin ah parking zau tak siam ni thung se tih hi ka duhthusam a ni.
Entirna : ●Thasiama seno neihna hmun te, Reiek tlang te hi ke ngata kal thlen theih ni se a hlu bik ang. Motor a thlen chuan a hlutna a tlahniam turah ka ngai. Ka dodal ve e.
- Tlangrokhuma, Artist
A kawng hrim hrim tha chu a tha viau mai, a tlang mawi hmun mawi lai te an tichhe dawn a nih loh chuan tha ka ti e.
- Famkima, Singer
Reiek tlanga Lirthei lut tlang tur hi pawi ka ti a, ka duh lo. Awlsam taka Lirthei an tlan chho theih chuan helai hmun hian a hlutna a ti hniam nasa dawn a. Ramngaw țha tak a chhung a cheng awm lohna hmun ah a chang thuai thei dawn a ni. Ramsa hmuh mai tur la awm te hi Reiek tlang ti reiek-tu a ni a, hengte a bo tur hi ka duh lo.
- Melody G Fanai, Singer/ Film Translator
Engnge an sawi?
Nature an tichereu ang tih ka hlau hle.
- Lalduhoma MLA & ZPM Leader
Ka thu chu ni se. Anihna ang ang sawn ka dah ang.Reiek khua ni ta ila.sum siam nan ka duh anih chuan sakawr ka vulh ang a.hire theih in ka siam ang.
- Lalmalsawmi, Councillor AMC
"..tha ka ti lo. Lirthei kal theihna tur a kawng an siam a nih chuan a hmun a kal nawmna te a bo phah ang a, ke a kal ngei kha a hlutna pakhat a ni a. A hmun hma en in tunah ke a kal chung pawhin bawlhhlawh, nepnawi kawr te hmuh tur a tam tawh nak laiin, lirthei han lut chho chiah phei se chuan mipui ten kan ngaimawh em em 'bawlhlawh hnutchhiah' hi inkhap sen a ni lo ang. A chhe lam zawng in ka thlir pawh an lo ti mai thei. Mahse, ngaihtuah chian chuan a thatna tur leh hlawkpui na lam ai mahin a hlutna kan tihbo hi a hlauhawm takzet.
- Sangtei Renza, Singer/Actress
... he thil hi ngun taka ngaihtuah chuan thil tha ber niin ka hre lo.
Thasiama Se no neihna hmun tia kan sawi thin, tlang/mual bawk mihring tan pawh a lawn harsa takah Sepuiin a chhip zawlah no a nei a, a mak thu kan sawi a, chu tak chu a hmun tihlu tu pawh a ni. Mahse tunah chuan hmun pakhat pawng bawk ve satliah mai, Step in dawh zui ringawtah kan chhuah zo ta. A thawnthu leh hmun rem lo taka Sepui no neihna kha mitthla a han suangtuah ngaihna awm lek lovin kan ching chhe zo vek ta chu a ni a. Khi hmun a Step dawh zui tu te khian Mizote hmun pawimawh tak chu a ropuina an tichhe vek zawk a lo ni. A hming chiah khi a ni ropui ta a chu.
Reiek tlang pawh hi kawngpui sial kher lovin a chhip a kal duh te chu ke in an kal mai ta lon'g. Hnam dangte pawhin lo tlawh duh se, Tour Guide ten Ngaw karah an hruai mai ang chu..
A Natural Beauty ti-chhe zawng hi chuan kan hmunhma neih chhun te hi chu i suasam tawh lo hram ang u.
- Vanlalliana MSU President
Reiek tlang phul chin chhungah eng lirthei mah thleng thei lo se tia duhtu zing ami ka ni reng. Phul chin thlen hma daih ah kawngpui hi tawp se. Kawng tawp chin ah parking zau tak siam ni thung se tih hi ka duhthusam a ni.
Entirna : ●Thasiama seno neihna hmun te, Reiek tlang te hi ke ngata kal thlen theih ni se a hlu bik ang. Motor a thlen chuan a hlutna a tlahniam turah ka ngai. Ka dodal ve e.
- Tlangrokhuma, Artist
A kawng hrim hrim tha chu a tha viau mai, a tlang mawi hmun mawi lai te an tichhe dawn a nih loh chuan tha ka ti e.
- Famkima, Singer
Reiek tlanga Lirthei lut tlang tur hi pawi ka ti a, ka duh lo. Awlsam taka Lirthei an tlan chho theih chuan helai hmun hian a hlutna a ti hniam nasa dawn a. Ramngaw țha tak a chhung a cheng awm lohna hmun ah a chang thuai thei dawn a ni. Ramsa hmuh mai tur la awm te hi Reiek tlang ti reiek-tu a ni a, hengte a bo tur hi ka duh lo.
- Melody G Fanai, Singer/ Film Translator
Lallianchhunga, Deptt of Pol.Sc, Mizoram University a zirtirtu leh Pol.Sc paper a environmental issue zirtirtu ni bawk chuan, "Aizawl atanga hnai te, lehlan phak leka hetiang thing Leh mau tamna hmun ṭha, khualzin chi tin reng, Mizoram pawn leh chhung atanga tlawh awlsam hi a tichereu zawnga hmalak tumna hi khuareiah kan ṭhatpui hauh ka ring lo. Nungcha awm, a bikin sava chi hrang hrang te ti ralṭi tur zawnga hmalakna hian khuareiah khualzin te a hîp lo zawkin a rinawm. Reiek khaw mipuite tana eizawnna siamsak kan duh chuan ransa, heng sakawr te hi hman tangkai awlsam zawk, chhungkaw tam zawk tana lirthei/ motor neih aia neih leh enkawl awlsam zawk a ni a. Lirthei hmanga khualzinte Reiek tlang bulṭhut thlenga thiar tum a nih chuan mi tlemte bakin an ti thei kher lovang. Ramsa tenau leh sava te hnawt darh lo tur chuan mihring thiar velna atan ransa, heng sakawr etc te hi kan hman tangkai a fuh zawk ang." tiin a ngaihdan a sawi.
"... tha ka tia hmasawnna zel a ni a. Reiek phei chu Mizoram tan chuan a hlu em , chuvangin kal kawng tha awm tur chu a lawmawm khawp mai."
- Sangkimi Khiangte, Singer
"kan ram hmun dang danga hmun hlui tepawh kalpawh awlsam nana kawng awmsa thawm tha ni lova a leilung pianken tichhe zawnga kutthkak tawh tepawh a uiawm em em a, tih belh zel tawh lo ila ka ti.
- Lalnunthari Rualhleng (Nunu Rualhleng), Miss India Mizoram 2019
Tha ka ti em em lo. Ke a kan han kal ngat ngat ngai kha reiek tlang ti hlu tu ani ka ti. Motor kawng a awm chuan a hlutna a tlak hniam phah ka ring.
-Ticos Dara, Singer
Reiek nula pakhat chuan, "Reiek tlang panna hi siamtha lo tawp se ka ti a ni miah lo a. Mahse motor kal tir kher erawh tha ka ti lo a,ka support hauh lo bawk. Kan upa zawk ten nature an ngaihpawimawh em em thin laiin, tun a kan thu khel mekah erawh thalai zawk ten kan ram leilung mawina hloh kan hlau ta zawk niin ka hria." tiin a ngaihdan a sawi ve bawk.
"... tha ka tia hmasawnna zel a ni a. Reiek phei chu Mizoram tan chuan a hlu em , chuvangin kal kawng tha awm tur chu a lawmawm khawp mai."
- Sangkimi Khiangte, Singer
"kan ram hmun dang danga hmun hlui tepawh kalpawh awlsam nana kawng awmsa thawm tha ni lova a leilung pianken tichhe zawnga kutthkak tawh tepawh a uiawm em em a, tih belh zel tawh lo ila ka ti.
- Lalnunthari Rualhleng (Nunu Rualhleng), Miss India Mizoram 2019
Tha ka ti em em lo. Ke a kan han kal ngat ngat ngai kha reiek tlang ti hlu tu ani ka ti. Motor kawng a awm chuan a hlutna a tlak hniam phah ka ring.
-Ticos Dara, Singer
Reiek nula pakhat chuan, "Reiek tlang panna hi siamtha lo tawp se ka ti a ni miah lo a. Mahse motor kal tir kher erawh tha ka ti lo a,ka support hauh lo bawk. Kan upa zawk ten nature an ngaihpawimawh em em thin laiin, tun a kan thu khel mekah erawh thalai zawk ten kan ram leilung mawina hloh kan hlau ta zawk niin ka hria." tiin a ngaihdan a sawi ve bawk.
#SaveReiek #SaveMizoram #exploremizoram
Reiek Tlang thlalak dang hetah
Reiek tlanga kawng siam han tum mai chu(h), pipu te hmun mai bakah mizo rohlu zahlohna
ReplyDeletePost a Comment
He post chungchanga i ngaihdan lo sawi ve rawh: