DIK LEH RIL

                     
                             DIK LEH RIL

1. Mi chapo te leh thil dik lo va inhnamhnawih te hi, hmuingilna kawng min kawhhmuhtu te an ni.

2. Tawnhriat neia dái thùk tawh ten thil awm dan tur min hrilh fiah a, Pathian thuin vanram kawng min kawhhmuh bawk.

3. Mihring inthlepkawi thei(flexible) an awm a, thil țha leh țha lo thliar si lo va miin an duh duha an kaihkual theih an awm ve bawk.

4. Sum ngah leh thiamna te chauh hi zahawmna kengtu a ngaitu chu ring lo mi nen thuhmun reng an ni.

5. Thúk tak a țanga kawngpui pawh thleng tura káilàwn kawhhmuh thiam mi fing an awm a, a kawng hmang zela zawhtu leh kaihruai thiam mi fing an awm bawk.

6. Lalpa mite malsawmna tlemté  dawn thleng pawha thík zeltu chu mi zahpuiawm ber a ni.

7. Van káina ni si lo va mi tam tak buaipui rawn ber chu politics a ni. Mahse, Ram nuam leh zahawm siamna tur chu mi dangte chungtlak nan leh indona hmanrua a tan an hmang zawk țhin.
     Dik taka hnathawk tute erawh mi tlémté an awm thung.

8. A țha lam kawnga mi fír tak, a chintáwk erawh hria an awm a, mahni ngaih dan tè a fír an awm bawk.

9. Rah chhuak hmuh tur nei si lo va: tawp chin nei mihring kum tamna hian eng nge țangkaina a neih le?
    Mahni dinhmun a țanga rah chhuak țhin ten mihringah pian man an awmtir țhin.

10. Chungnun loh leh lalna chan loh hlau mihring mi filawr an awm ngai em ni?
       Mi dik leh kalhmang rem thiama puitlin zel te hian mi tam tak an khúm reng țhin.



Ruataraltesiakeng.