Hockey India in U21 International 4-Nations Tournament a India aiawh tur Mizo Nula telna team list tichhuak

Aizawl | May 22, 2019: Hockey India chuan May 21 khan  Cantor Fitzgerald U21 International 4-Nations Tournament a tel tur India Junior Women team mi 18 awmna a tichhuak a. He team list ah hian Mizo Nula Lalrindiki a tel.

 Cantor Fitzgerald U21 International 4-Nations Tournament hi Dublin, Ireland ah neih tur a ni.

 - exploremizoram.com

India Hockey Junior Women team hian Dublin, Ireland an pan ang a,  May 28 hian Irish National team hmachhawnin, May 29 hian Canada Junior Women team an hmachhawn phawt ang a. May 31 leh June 4 inkar hian India, Ireland, Canada leh Scotland ramte telna Cantor Fitzgerald U21 International 4-Nations Tournament ah an inkhel leh ang.

Hemi bakah hian Inida team hian June 6 hian Irish National team vek an inkhelhpui leh dawn nia thu dawn a ni.

 - exploremizoram.com

June 9 atanga tanin Belarus ram Baranovichi khawpui-ah Belarus National Senior, Junior leh Development team te nen match nga an khel leh bawk ang.

Indian Junior Women Team hi Captain Suman Devi Thoudam leh Vice-Captain Gagandeep Kaur te kaihhruaina hnuaiah an khel ang a.  Bichu Devi Kharibam leh Khushboo te chu Goal vengtu tura thlan a ni. 

Defender Ishika Chaudhary, Priyanka, Mahima Choudhary leh Simran Singh ten tlar hnungah Suman Devi Thoudam leh Gagandeep Kaur te an pui ang a.

Midfielders Preeti, Mariana Kujur, Chetna, Ajmina Kujur leh Baljeet Kaur ten Midfield an thunun ang a.   Mumtaz Khan, Beauty Dungdung, Sharmila Devi, Reet leh Lalrindiki te tlar hmaah an awm thung ang.

India Hmeichhe Junior team hi Coach Baljeet Singh in a kaihruai ang a. Inpuahchahna tha tak nen zinkawng an zawh dawn a ni.

Lalrindiki hi tunge?

India aiawh a India Hockey Junior Women team tel tur Mizo nula Lalrindiki hi Rosiami leh Lalrinawma te fanu neih chhun niin 2000 March  25 khan Hnahthial khua-ah a lo piang a. Unau panga zinga naupang ber a ni a, Nuta pali a nei. 

Hnahthial khua-ah Govt Primary School leh Middle School a kal hnuin 2010 khan Thenzawl-a SAI Hockey Hostel-ah a awm a, hetah hian pawl 7 atangin a zir tha leh a ni.

 - exploremizoram.com

Hockey India/FIH hnuaiah hian Kum 2016 atang khan awmin, National Hockey Academy Delhi-ah training a hmachhawn tan a ni.

Lalrindiki hi kum 2018 khan Belgium ah India aiawh tura thlan lo ni tawhin, July 14 - July 21 chhung khan India aiawhin a lo khel tawh bawk a ni. 

INDIAN JUNIOR WOMEN’S TEAM: 

GOALKEEPERS

1. Bichu Devi Kharibam

2. Khushboo

DEFENDERS

3. Ishika Chaudhary

4. Suman Devi Thoudam (Captain)

5. Priyanka

6. Mahima Choudhary

7. Simran Singh

8. Gagandeep Kaur (Vice-Captain)

MIDFIELDERS

9. Preeti

10. Mariana Kujur

11. Chetna

12. Ajmina Kujur

13. Baljeet Kaur

FORWARDS

14. Mumtaz Khan

15. Beauty Dungdung

16. Sharmila Devi

17. Reet

18. Lalrindiki

 - exploremizoram.com