Aizawl | May 22, 2019: Junior Thalai Kristian Pawl (Jr TKP) New Serchhip Unit chuan May 18 khan tleirawl leh rawltharte tan BCM New Serchhip Kohhran leh leh a tualah Career Awareness cum Potential & Skill Development Orientation an buatsaih.
He hunah hian Jr TKP Member 30 an tel a. Resource person hrang hrang ten thupui hrang hrang hmangin thalaite an zirtir. An hna zawnna tura kawng kawhhmuh leh thu tha an zirtir bakah, Hmeichhe tan Buhthlei leh thawmhnaw thui an zirtir a. Mipa tan Thing eh an zirtir bawk.
- exploremizoram.com
- exploremizoram.com
 |
| An kum rualpuite hmaah thu an sawi |
Career Awareness cum Potential & Skill Development Orientation hi Tleirawl ten an zirna kawnga duhthlanna dik an neih theihna atan, inchhunga member tangkai zawk an nih theihna tura thiam thil hrang hrang zirtir te, an nun kawnga challenge hrang hrang an hmachhawn mek leh hmachhawn zel tura an hmachhawn thiam theihna tura life skills zirtir, khawtlang, kohhran leh chhungkuaa tangkai zawka an theihna leh thiamna leh talent/potential hmang chhuak thei tura buatsaih/zirtirna atana buatsaih a ni.
- exploremizoram.com
- exploremizoram.com
 |
| Rawltharten thing an ek |
"Career Awareness cum Potential & Skill Development Orientation bik hi kan buatsaih tum khatna a ni. Chutih rualin Junior TKP Felliwship velah chuan seminar topic ah kan hmang fo thung. Tum dangah chuan Summer Meet, Winter Retreat etc ah thusawi topicah kan telh thin bawk." tiin Jr TKP Secretary Dr Zarzosanga chuan exploremizoram.com a hrilh.
He thil an buatsaih hi Nu leh pate thlawpna an hmuh that thu leh Positive feedback an dawng nasa niin a sawi a. Hetiang hun hi buatsaih leh tura thurawn an dawn nasat thu a sawi rualin, an buatsaih laiin hun a tam loh vanga hunin a daih loh thu leh hun thawl zawka la buatsaih leh ngei an tum thu Jr TKP Secretary chuan a sawi bawk.
"Life Skills orientation bikah Jr. TKP members atangin paper presenters thlang chhuakin life skills topics hrang hrang an tleirawlpuite zirtirtuah hman an ni. Paper Presenters te hi leader pakhat zel an inbuatsaihna enpui tura assign theuh an ni. Hetia kan tih hian cognitive ability ah nasa takin kan naute a pui. Tin, career awareness an hlawkpui hle bawk. Skill Development orientation erawh hunin min daih tak loh avangin trainers ten an duh ang an ti zo hman lo." tiin an hun hman dan tlangpui a sawi bawk.
Post a Comment
He post chungchanga i ngaihdan lo sawi ve rawh: