Aizawl | April 4, 2019: Tunlai internet khawvelah mi lawm hlawh leh MP inthlan tur aia miin an lawma an ngaihven chu Derek hi a ni awm e.
Kum ruk mi lek, Derek C Lalchhanhima Sairang khua hian a Cycle in Arte chil palh hlauh mai a. A pawisa neih chhun cheng 10 leh Arte chu kengin tihdam tumin damdawiin a pan ta a ni.
Mahse, vanduaithlak takin chu Arte chu chhan theih a ni ta lova. A haw leh a.
Amaherawh chu, Derek a thinlunga tihdam tuma beiseina a la tawp si lo. A nu leh pa hnenah a dam leh theihna tur a nih beiseiin cheng 100 a dil ta hial zawk a.
Mahse, a thih tawh viau avangin tih theih a awm tawh si lo. A nu leh pa chuan Arte thi tawh a nun leh theih tawh loh thu nena an hrilhfiah a, an thlem a ngai ta hial a.
He naupang, Derek rilru thianghlim tak hi mi tam takin an lawmin an chhuang a, internet khawvel a luah hneh hle a ni.
Derek C.Lalchhanhima (6 yrs) s/o Dhiraj Chhetri & Lalnunpuii, Sairang Police Station Quarters a cheng mek. Ani hi tunlaia a India ram a naupang lar ber ti ila kan ti sual awm love.
Hemi bakah hian India news website lian tak tak te pawhin a chanchin hi an website h an dah a ni.
He nopang anga rilru thianghlim neih hi mitin hian kan mamawh reng ani
ReplyDeleteTyping mistake a tam hle Mai.
ReplyDeleteC for Chhetri mi niang le
ReplyDeletePost a Comment
He post chungchanga i ngaihdan lo sawi ve rawh: