DUHTHUSAM TLANG

 - ✍🏻 Vidpuia Hrahsel

Duhthusam Tlang a thupui atang ringawt pawh hian a ziaktu ngei hian insitna ka nei nghal. Aizawl hnaih tak khua Hlimen khaw piah Samtlang lam chanchin ziah ka tum lo! Samtlang ah lah ka la kal hek lo! Mahse ka thuziah thupui atang chuan 'Duhthusam tlang' a ni tlat bawk si. A thu lam rik chuan Samtlang khaw chanchin ziak tur ni awm tak kha tun a ka thuziah tur erawh Hringnun a kan duhthusam kan rilru a, kan sam thin tlang ngei mai chu ni ka duhthusam a ka rawn ziah ngei mai chu. Duhthu kan sam thin a, kan duhthusam erawh a thleng dik lo fovin, kan beisei kan tum ram, kan suangtuahna kan thleng zo lo fo thin.

Duhthusam nei vek kan ni a, kan duhthusam tlang kan lawn tan dawn chauh a, duhthusam tlang kan lawn na ah chuan hmelma hrang hrang avangin kan chau in, kan duhthusam ngei mai chu a tlang laklawh ah kan tang fo thin. Ni e, Mount Everest sangzia leh a tlang lawn  harsatzia kan hre awm e. Mizoram atanga Mount Everest lawnchhuak hmasa ber Pu David Zohmangaiha leh mizo hmeichhe zinga lawnchhuak hmasa ber Nl.Lalrintluangi te khan tlang an lawn na ah khan harsatna  tawk lo in an tluang parh i ring em? Mount Everest tlang khawkrawk, vur in a tuam chhah hlup, oxygen hman ngai bawk, tlang lawnna hmanrua ken ngai bawk, ka suangtuah pawh hian ka chau nghal!. An duhthusam tlang lawn turin tlang khawkrawk, kalkawng mumal lo kha harsa takin an beidawn duh loh avangin leh harsatna in a hneh theih loh nun an neih avangin, chau chung chungin an duhthusam tlang chu  an lawnchhuak anih kha.

Duhthusam kan neih hian awlsam taka pal zam nghal mai theih turin kan rilru ah kan sam thin. Kan tum ram a san pauh leh kan inthlahdah thianglo tih hi kan rirlu ah kan vawn a va ngai em, chu kan duhthusam tlang thleng pha tur chuan eng kawngah nge hma ka lak anga, engtin nge chu ka tum ram chu eng hian nge min thlen pui ang? Awlsam taka thlen mai chi a ni lo, heng harsatna lo thleng thin vang hian ka chau in, ka zam nghal vek mai dawn em ni? Tupawh hian duhthusam kan nei vek, khawvel a thim zawnga, a hnual reng zawnga i ngaihdan emaw i rilru sutthlek kha i her danglam hma chuan i duhthusam i thleng thei lovang. Kan tum ram kan duhthusam leh kan beisei ang  hian thil hi a kal mam purh theilo. Khawvel a ni miau hek, famkimlohna khawvel ah kan cham chhung  chuan kan duhthusam pawh tluang takin a kal thei thin lo a, mahse beidawng lova, a tum ram sam thin tlat tu a eng zawnga thil thlir thin tlat thin khan a duhthusam chu chhel takin, harsatna hliap ah, kawng bumboh leh khawkrawk tak ah pawh chau mai lova, a beihna rah khan tlang thlakhlelhawm leh a duhthusam tlang ngei mai chu harsa tak  chungin lawmna tlang duhthusam tlang a thlenpui thin

Thil palzam hma em em mai, mihring kan awm a, thil la thutak vak, engthil pawh hmachhawn dawn a, huphurh avanga zam chhe vek kan awm thin. A chang chuan thil harsa tak hmachhawn avanga chau nghal vek, a saptawng takin 'ka down vek' kan ti thin. Heng thil vang hian kan chau thin pawh hi kan harsatna tawh dan a zir a, in siamrem (adjust) theih a ni. Mihring thil palzam hma em em mai hi, an nun a hlim vek chuanglo, chutiang bawkin mihring tehna atang chuan harsatna hmachhawn dan thiamlo tak te tan hi chuan dam hi thlakhlelhawm loh tak a ni. Harsatna avangin  Duhthusam tlang kan thleng zo lo a, kan chau mai thin. Tlang ah kan lawn ta sa sa, heng min tibuaitu, min ti chautu te hi palzam in, an thang kam ah hian kan awk rei thin lutuk vang hian lawm kan duhthusam kan thlen loh thin. Hun kal tawh chu a liam tawh a, i rilru ah i pai reng chuan a ti chau in a ti ngui thin ang che. Hun liam tawh, ngaihtuah ngaihtuah hian sawtna a nei lo, dinhmun ngaia i din reng avang khan, hma i sawn thei dawn lo tih kha hria ang che.

Kan duhthusam tlang hi kan hma lawk ah, a awm thin a, kan rilru chuan ka ti thei lo ang tiin min hrilh thin. Mahse hmalam pan a, beiseina nen a, kan duhthusam tlang kan pan thin laiin, kan rilru ngaihtuahna hian min hruai bo in kan huphurh mai thin. Beiseina in 'duhthusam tlang' kan suangtuah a, thei lo tura in ngaihna rau in min luah khat a, kan chau a, kan tlu leh mai thin.Duhthusam tlang atangin American zaithiam Miley Cyrus hla chuam 'The Climb' ah lawn daih ang aw! He hla hi rin aiin a lo ril in, duhthusam tlang kan lawn theihna tura, chakna min petu hla lo ni mawlh thei se tiin duhthu ka lo sam e.

"The Climb" tih hla hi American zaithiam Miley Cyrus khan kum 2009 Hannah Montana film ah khan a lo sa a.He hla hi mi pahnih Jessie Alexander leh Jon Mabe te phuah niin John Shanks an a produced a ni. March ni 5.2009 khan release niin Hannah Montana hlapui atan Walt Disney Records khan a hmang nghe nghe. He hla hi country pop ani a,country radio a, Miley solo hla released hmasak ber ani bawk. A hla thu hian nun harsatzia leh a rah duhawm zia a tarlang a, kan duhthusam tlang kan lawn theih nan a hla duhawm leh hla tha tak a ni.

I can almost see it

That dream i'm dreaming

But there's a voice inside my head sayin'

"You'll never reach it"

Every step i'm takin'

Every move i make feels lost with no direction

My faith is shakin'

Chu ka tum ram chu ka hma mai ah, a awm ta,

Ka lo suangtuah thin a tak chang se ka tih kha,

Mahse ka hriatna tha zam te chuan,

Ka thlen phak ngai loh tur tiin min hrilh thin.

Hma lam pan a, beiseina nen ka beih lai pawhin;

Chu hriatna chuan min hruai bo a,

Beiseina nung min neih tir thei ngai lo.

He hla hian a chunga kan sawi hi a lo sawifiah vek a, he hla hmang hian i suangtuah duhthusam tlang  chu i lawn theih nan the climb hla chang hnih na ah chuan :-

But I, I gotta keep tryin'

Gotta keep my head held high

There's always gonna be another mountain

I'm always gonna wanna make it move

Always gonna be an uphill battle

Sometimes I'm gonna have to lose

Ain't about how fast I get there

Ain't about what's waitin' on the other side

It's the climb.

Mahse,chawlh lo in ka bei zel ang

Ka intipaukhauh anga hmalam thlir chung zelin;

Hmachhawn tur tam tak min lo hmuaktu ka hlen tur an la awm zel dawn si a,

Chawl loin hma lam ka pan zel ang.

Chu indona chu ka hmachhawn zel dawn,

Chauh chang neiin,hlawhchham thin mah ila;

Chu hmun chu kawng awlsam thlen thuai theih anilo tih ka hria,

Engthil in nge ka kawngah min lo hmuak ka hre hek lo.

Chu lam kawng chu ka zawh zel phawt ang.

He hla hi i ngaihthlak liam mai atan chuan  a va uiawm em! He hla tha tak hmang hian i duhthusam tlang chu harsatna te nen in zawh ho dawn tih hre lawk in, kawng harsa tak leh indona hma ah zam mai lova, chhel taka,  duhthusam tlang i lawn theih nan beiseina nen hma lam panin duhthusam zel rawh le.