Aizawl | April 7, 2019: Pachhunga University College Literature Club memberte chu April 6, 2019 Inrinni khan Zoram Rohlu 'Khawhpawp' leh a vel tifaiin an hnatlang.
He thil hi March 23, 2019-a Pachhunga University College Literature Club OB ṭhu khawmin 'Khawhpawp-ah club Inspirational Excursion paha Cleanliness Drive neih nise' tia a lo rel tawh bawuhzuina leh tihhlawhtlinna a ni.
he hunah hian Pachhunga University College Literature Club member 26 lai an thawkchhuak a ni.
Khawhpawp hi Aizawl khawpui atanga hla vak lova awm a ni a, tlawhtu an tamin, thalai leh nu leh pa chenin kal an tam thei hle a. Mahse, he hmun mawi leh dangdai tak hi a mawina hliahkhuh thei tur khawpa bawlhlawh leh hnawk tam tak em vangin PUC Zirlaite a tihfai hna an thawk ta a ni.
Zirlaite thahnem ngaihna hi ngaihluin AMC Councillor pu Lallura chuan an veivahna tur Bus a tumsak a, RS Drugs Store chuan Surgical glove an tumsak bawk a ni.
Tlawhtu a van loh tih hriat tak maiin hnawmhnawk (plastic waste) a tamin tihfai a lo ngai hle tawh hi a ni a, an thawkchhuak ta chu PUC zirlai pakhat Cecilia Chawngthu chuan a inchhir loh thu hetiang hian a sawi, "nuam kan ti a hlawkthlak ka ti bawk. Bawlhhlawh chhar rau rauah chuan lungawi leh inchhir lober kan ni hial awm e." a ti a. "Kan ramin tifaitu a mamawh a, a tibaltu ni lova a tifaitu ka ni thei hi ka lawm." tiin, intihhmuh fo chi nia a hriat thu a sawi bawk.
Khawhpawp leh a vel tifaia Pachhunga University College Literature Club te an thawhchhuah chhan hi an secretary Lalchhuanliana chuan, "Khawhpawp zuk tih fai hi ṭhenkhat chuan hmalakna awmze nei lo tak ni te paw'n mi chuan an ngai mai thei; amaherawhchu, Nang i kal loh chuan tu nge kal chuang ang? an tih ang deuhin Keini ṭhalaite kan thawhchhuah loh chuan tu nge thawk chuak ang le? He faina hnatlang ( #trashchallenge) hian kan ṭhalaipuite chho chhuaka, faina leh thianghlimna lama hmasawn kan mamawhzia leh a ṭulzia hriattirtu lo chang se, kawr leh luitea bawlhhlawh paih a ṭhat lohzia kan hriat thar phah ṭheuh hi kan lungkham leh duhaisam a ni," tiin a sawi bawk.
( Trash Challenge nei ang aw.. In pawl, Sikul, College, ṭhianho, group etc ten hmunhnawk/bawlhlawh in tihfai thlalak 9402125273 ah lo thawn ula, he website a Trash Challenge huangah kan lo dah zel ang.)
( Trash Challenge nei ang aw.. In pawl, Sikul, College, ṭhianho, group etc ten hmunhnawk/bawlhlawh in tihfai thlalak 9402125273 ah lo thawn ula, he website a Trash Challenge huangah kan lo dah zel ang.)
Post a Comment
He post chungchanga i ngaihdan lo sawi ve rawh: