Mizo Photograpgers Society in kum 2019 Chapchart Kut pual a, Chapchar Kut Lady a a thlan Sheila B Lalrinpuii chu kawmna hun kan nei a, exploremizoram.com tana a hun hlu tak min hlantu Sheila chungah kan lawm e.
Sheila B Lalrinpuii, 'Sheila' tia koh thin hi B Lalhmingthanga leh Saikhumi te fanu niin, Khatla Aizawlah an cheng mek a. Kohhran leh khawtlangah a theih ang tawka inhmang thin leh nula fel leh hawihhawm tak a ni.
November 5, 1992 piang niin India a university tha leh changtlung, Students Council president pawh MLA pakhat ang hiala an ngaih thin Delhi University atangin M.A (Pol Science) a zir chhuak a ni.
Hobby: Baking
Duh leh ngainat zawng hrang hrangte:-
(a) Lehkhabu duh : Pathian Lehkhabu Thianghlim. (Bible)
(b) Actor/Actress : Brad Pitt / Angelina Jolie.
(c) Zaithiam : Stacy VL Muanpuii
(d) Chawhmeh : Mizo bai
(e) Hla : We are the world
(f) Hmun : Darjeeling .
(g) Ziaktu : John Bunyan
Kawppui tura duh zawng: Mipa, hmeichhiate dinhmun hrethiam leh zahthiam tak.
Relationship : Sawi tur ka nei lo. (No comment)
Aim-in-life : Chhungkaw Nu tha tak.(A good house wife)
Mizo Photographer’s Society Chapchar Kut Lady 2019 atan thlan i ni a, Chapchar Kut lawmnaa i kal khan hetiang hi i beisei reng em?
Chhanna : Ka beisei miah lo. Mizo Photographer’s Society in hetiang hun ah hian Chapchar Kut Lady tur an zawng thin tih ka hre ngai lo.
Kut Lady atan nominee-a dah i ni tih i hriat leh Kut Lady atana thlan inih a i rilru put hmang leh i awmdan ?
Chhanna: Kut Lady atana nominee ka ni tih ka hriat khan mi barakhaih ( surprise) nasa hle a, lawmna leh hlauhthawnna in ka khat ni berin ka hria.
Kut Lady atana thlan ka ni tih ka hriat khan ka lawm em em a, hun reilote chhung kha chu rilru mumal ka nei lo ni berin ka hriaa, ka awmdan ah erawh danglamna engmah a awm lo.
Kut Lady hi thlan zel chiah i ngai em ? A thlan dan ah te thurawn i nei em ?
Chhanna: Kut Lady hi thlan zel chi ah ka ngai. Tuna MPS in Kut Lady an thlan dan hi a fair in, a tha tawk ka ti a, tumah duh sak bik nei lovin an kalpui thin niin ka hria.
Modelling lam hi i tui reng em ?
Chhanna: Modelling lam ah hian kan tui em em lo. Mahse taksa fitness hi ka ngai pawimawh em em thung.
Kohhran, Khawtlang leh nangmah?
Chhanna: Kohhran hi ka nu leh pa ten an ngaipawimawh em em a, kei pawhin ka ngai pawimawhin ka ngai hlu a, ka phak tawkin ka in hmang ve thin. Khawtlang huap rawngbawlna hi ropui ka ti a, ka ngaisang bawka, ka phak ang tawk in ka in hmang ve thin.
Social media leh nangmah?
Chhanna: Khawvel thiamna lo thang zelah kan ram ah pawh Social media kan ti lar ve ta hle a, fimkhur leh thianghlim taka hman chuan thil tangkai tak niin ka hria. Kei chuan Instagram hi ka khawih deuh ber.
Mizo hnam than mawh bawk nia i hriat?
Chhanna: Kan hnam rohlu tha tak tak te ngaihhlut leh chhawm nunna chang kan hre tawk lo leh thil thar kan zuan lutuk hi hnam anga kan than mawh bawk chu a ni.
Mizo hnam dam na atana kawng awm nia i hriat?
Chhanna: Kan bawhchhiatna ah te inchhira, sima, Lalpa (Pathian) lam kan hawi hi, kan hnam dam na kawng awm chhun chu a ni.
Hnam chhan nana hmeichhiate tangkaina?
Chhanna: Kan hnamchhan nan hmeichhiate hian tangkaina tam tak kan nei a, chungzinga ka sawi duh te chu, mizo hnam kan nih naah chiang ila, zahawm takin kan hmeichhiatna vawng ila, chim ral kan nih loh nan hnamdang lak ah kan in vawng thianghlim bawk tur a ni.
Kumin Chachar Kut thupui ah Zofate inpumkhatna hman a ni a, hei hi a taka thlen theih i ring em?
Chhanna: Kut thupui, ‘Zofate inpumkhatna’ hi a thlen theih ka ring; kan in an lohna dah tha in ‘semsem dam dam, ei bil thi thi’ tiin tumah inthlahthlam lovin rilru zau leh thianghlim tak kan put phawt chuan zofate kan in pum khat ngei ngei ang.
Zofate inpumkhatna a taka a thlen theih nana pawimawh nia i hriat?
Chhanna: Zofate inpumkhatna a thlen theih na tur chuan thinlunga inpumkhatna hi a pawimawh ber in ka hria.
Mizo Zirlai Pawl (MZP) in ZOFEST a buatsaih thin hian Zofate inunauna kawngah a thawh hlawk in i hria em?
Chhanna: MZP in ZOFEST a buatsaih thin hian ram hran, hmun hran a awm zofate inkarah in unauna a siam nasa hle in ka hria.
I thalai pui te tan?
Chhanna: Pathian ṭih leh Zo nun zemawi vawn nun tlat hi ka thalaipuite tana ka duhsak ber leh chah duh chu a ni.
www.exploremizoram.com hmuh dan:
Tha ka tia,a bengvar thlak bawk a, thil post te hi belhchian a dawlin a rintlak hle in ka hria. Hmasawn zel turin duhsakna ka hlan e.
(A hnuaia fakna hi lo hmet ve rawh.)
_________________
TT Arts, Chanmari Aizawl-ah T Shirt print hrang hrang an ti thei.
TT Arts, Chanmari Aizawl-ah T Shirt print hrang hrang an ti thei.
Call/ WhatsApp +919615332721
EM T Shirt lei duh tan: 9402125273
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: