Aizawl | March 19, 2019: Mizo Zirlai Pawl (MZP) general headquarters chuan March 17 tlaia mi kut tuara zirlai boral ta Lalmuankima chu a chenna inah an pawl president L Ramdinliana hovin an ral.
Lalmuankima ral tur hian March 19, 2019 zing khan MZP president L Ramdinliana Renthlei, Assistant general secretary H Lalthianghlima leh hruaitu dangte kalin an chenna in, Tualpuiah ngei an han ral a, ralna pawisa fai an hlan bawk.
Sawi tawh angin, Lalmuankima hi pawl 10 ekzam hmachhawn mek niin, an khuaah exam center a awm loh vangin Khawzawl exam center ah exam in khawzawlah hian a hun a hmang a. Subject pakhat exam tur la neiin, exam zova an khua haw mai tur a nih tawh vangin March 17, Pathianni tlai khan a ṭhianpa nen an leng khawthawng a, chu an leng chu mi kut tuarin a boral ta a ni.
Lalmuankima, Kimkima tia koh hi Khawzawla HSLC Exam bei mek niin, Khawzawl Vengthar a Pi Kaphmingthangi (Upa K Roliana kawmchhak) te In aṭanga exam a ni.
Thu kan dawn zel danin, Lalmuankima kutthlaktu nia puhte hi Police in an kawl tawh nia hriat a ni.
Post a Comment
He post chungchanga i ngaihdan lo sawi ve rawh: