Aizawl | March 19, 2019: Eastern Zone National Body Building Champhionship 2019, Patna khawpuia March 17, 2019 a neih zawh takah Mizo pali, Mimi Lalchhanhimi, Lalritluangi, Lalrinzuala leh Lalkhawngaihzuala ten nomawi an dawm.
-exploremizoram.com
 |
| Mimi Lalchhanhimi'n Women Model Physique lawmman a dawng |
Mimi Lalchhanhimi hian Women Model Physique ah champion niin, Hmeichhe huang Body building ah silver a la a, Lalrintluangi'n bronze medal a la bawk.
Lalrinzuala chuan Kg 60 hnuai lamah Gold medal lain, Lalkhawngaihzuala chuan Kg 60 hnuai lamah tho Silver a la ve bawk a ni.
Mizoram team hi mi paruk Mimi Lalchhanhimi, Lalrintluangi, Steven Duhneihthanga, Lalkhawngaihzuala, Lalramdina leh Lalrinzual te an kal a, Official pathum KV Tlangmawii, Lungtiawia leh Jeho Lalramnghaka ten an kaihruai a ni.
Eastern National Body Building Champhionship hi National Body Building and Fitness Association, Bihar ten an buatsaih niin Bihar khawpui Patna ah an nghat a ni.
- exploremizoram.com
Mizoram team te hian March 13, 2019 khan Aizawl an chhuahsan a, March 16 khan Patna thlengin tlaiah an inbuk nghal a, March 17 khan inelna an hmachhawn nghal a ni. March 18 khan Patna an lo chhuahsan leh a, tluang takin Guwahati an lo thleng tawh niin thu kan dawng a, March 20, 2019 hian Aizawl lo thleng leh tura beisei an ni.
-.exploremizoram.com
Post a Comment
He post chungchanga i ngaihdan lo sawi ve rawh: