BAIRABI JOINT VC LEH NGO IN MZP IN CHAWLHBUK SAK LEH A TUM ṬHA TI LO; STATE SAWRKAR HMA LA TURIN PHUT

Aizawl | March 20, 2019: Nimin Ni 19.03.2019 (Thawhleh Ni) zing dar 7:30 khan, Bairabi North YMA Hall-ah Bairabi Joint Village Council kaihhruainain Joint V/C leh All NGO ten meeting neiin Bairabi Zophai a MZP ten chawlhbuk sak an tum leh chungchang thu an ngaihtuah a, an khua leh a chhehvel khua ten harsatna tam tak an tawh zui thin avangin buaina leh harsatna chawk chhuak tur zawng a nih chuan Chawlh buk sak hi tha an ti tawh lo, niin an thuchhuah chuan a tarlang.

 Tharum thawh lova state pahnih - Mizoram leh Assam state boundary （ Inner Line Reserve） chinfel anih thuai theih nan a hmalakna chu an thlawp tlat thu tarlangin, Hemi chungchangah hian hian kan State sorkar pawhin chak zawk a hma la ngei turin an phut  bawk a ni.

_____________________

PRESS RELEASE

      MZP TEN CHAWLH BUK SAK LEH AN TUM CHUNGCHANG A BAIRABI JOINT VC & ALL NGO MEETING THU CHHUAK

Dated Bairabi, the 19th March, 2019

Ni 19.03.2019 (Thawhleh Ni) zing dar 7:30 khan, Bairabi North YMA Hall-ah Bairabi Joint Village Council kaihhruainain Joint V/C leh All NGO ten Bairabi Zophai a MZP ten chawlhbuk sak an tum leh chungchang thu ah hetiang hian thu tlukna siam a ni ：-

        Bairabi hmun a MZP ten Zofate Chawlhbuk sak leh an tum hi, kan khua leh a chhehvel khua ten harsatna tam tak kan tawh zui thin avangin buaina leh harsatna chawk chhuak tur zawng anih chuan Chawlh buk sak hi tha kan ti tawh lo a ni. 

        Tharum thawh lova state pahnih - Mizoram leh Assam state boundary （ Inner Line Reserve） chinfel anih thuai theih nan a hmalakna chu kan thlawp tlat a. Hemi chungchangah hian hian kan State sorkar pawhin chak zawk a hma la ngei turin kan phut  bawk a ni.

Sd/- R LALFAKAWMA

          Chairman,

Sd/- LALRUATMAWIA

          Secretary.

Bairabi Joint VC & All NGO, Bairabi Mizoram.