ZU ZUAR FANU 20

CHAPTER--20

*R'z Thangluah✍🏻*

Max leh Msi chu tlangah chuan ngawi rengin an la ding dun a. Msi chuan,"Max,ka lawm e aw i tan ṭhian ṭha tak ka ni reng ang,"a ti leh a. Max chuan,"Awle keipawh ka lawm e,i tan ṭhian ṭha tak ka ni reng ang,"a lo ti ve bawk a. Msi chuan,"Max,kan chhuk tawh dawn mi niang?,"a lo ti a. Max chuan,"Ni e pawi chuang hleinem chhuk i la,"a lo ti vat a,an chhuk thla ta a.

Notei chuan a lo nuih var var a;mahse,Msi ban rek a bracelet a hmuh chuan mak a tih hmel hle mai. Max chuan,"Kan rei em?,"a lo ti vat a. Notei chuan,"Aih rei love,ei rawng kan bawl ṭan mek a,"a lo ti vat a. Msi chuan,"Nihchuan han bawlpui ve nghal i la. Awii mahse,ka la huh vek in tihfai phawt ka duh. Note,ka in tifai a nga ka rawn kal ang aw,"tiin a bag a la a,bathroom lamah chuan a tlan lut nghal a.

"Engnge awmzia?,"Notei chuan Max chu a en hâ mai a. Max chuan,"I hmuh ang kha ni mai,"a lo ti ringawt a. Notei chuan,"A duhlo che tihna mi?,"a lo ti hmuk a. Max chuan,"Duh lo tih awm chuanglo,ṭhian anga awm a duh zawk a,"tih pah chuan a nui suk a. Notei chuan,"Awiiii i van zeilo tak,mipa ve si,"tih pah chuan a chek tlak tlak a. Max chuan,"In ṭhian ṭhatna chu hmangaihna in a thlak ṭhin. Engtik niah emaw chuan min la hmangaih ve em em ang,"a lo ti leh a. Notei chuan,"Hmmm i zeilo sia,i zûnah hian tu hmeichhia mah an uai lo ang,"tih pah chuan a nui hawk hawk a. Max chuan,"I van chimawm tak e aw,saw a lo phei a nia,"tih pah chuan a phone chu a khawih nuap nuap a,a nui vur vur a.

Msi chuan"Awii min lo la nghak a mi a?,"a rawn ti nghal vat a. Notei chuan,"Imm boss hi i tello chuan a kal duh tlat lova,"tih pahin Max chu a melh zauh a. Max chuan,"Nia i tello chuan a nuam lo lawm,"a lo ti ve bawk a. An pathum chuan eirawng bawlna lam pan chuan an in zui chho a.

Msi chuan purun sen chu a zai a,Max chuan,"Ka lo zai pui ve ang che aw,"tih pahin a rawn zai ve nghal mai a. Msi erawh chu a mit a khap fawk fawk a,a mit chu a sen ram mai bawk a. Max chuan,"Tinge a i ṭap a mi a?,"a lo ti vat a. Msi chu a lo nui a,"Zai ve la i ṭap ve tho ang,"a lo ti vat a. Max chuan,"Purunsen in a vel che nimaw?,"a ti a,a nui suk a. Msi chuan,"Imm purunsen hian min lo vel nasa thei khawp mai,"a ti a,a nui sen sen a. Max chuan,"Kan zai ve nge aw,keichu min vel teuh lo mai,"tih pah chuan a zai a,a nui hak hak a.

Msi chuan nui var var chungin,"Kha i ṭap ve pur tawh nia aw,"a lo ti a. Max chuan a mit a nuai chawt chawt a,"Ekhai mahni aia te in min velh chu le,"tih pah chuan a nui suk a. Msi chuan,"Lo zai ve tawh lo mai rawh,va in phih fai daih rawh,"a lo ti a. Max chuan,"Ka zai thei a lawm,hei a tam tawh loh hi,"tih pah chuan a dang chu a la leh a,a zai leh nghal mawlh mawlh a.

Msi chu Sangtea'n a rawn call hlawl mai,"Lawk aw Max,kan chhang lawk aw,"tih pahin Sangtea call chu a chhang nghal a.

"Aw Sangte,"

"Khawnge in awm a? Ka lo kal a,in lo inkalh ṭhap sia,"

"Ee aww hei kan picnic daih a,"

"Tu te nen?,"

"Max te nen kan tam mai,"

"Eng picnic nge a?,"

"Family picnic ania,"

"Nuam awm ve a?,"

"Nia nuam khawp mai,tunah khawnge i la awm a?,"

"Hei in In kawtah ka la awm,in lo haw ṭep tawh em?,"

"Awii eirawng kan la bawl mek chauh a lawm,"

"Ka lo nghak ang che u aw,"

"Kan lo haw tlai dawn lutuk,"

"Ka ngai tawh che lawm,kan inhmuh khat em hi,"

"Hmmm lo va haw rih phawt la,zanah i lo kal leh mai dawn lawm,"

"Aih,ka dah aw,"

"Ummle,i thu thu le,"

Sangtea chuan a phone chu a off nghal hmak a,"Ka haw awm lo e,in lo haw hma chu ka nghak dawn che,"tiin a phun sup a.

Tlai dar 6.00pm velah chuan Msi te picnic pawh chu an lo haw ve chiah a. Sangtea chuan an in kawtah a lo la nghak vang mai a.

Msi leh Max an lo in phur a hmuh chuan en pawh a en rei duh lova. A bike chu a ti nung vut vut a,Max te bulah chuan a va tlan phei a,"In picnic chu a nuam bawk maw?,"tih pahin ngeiawm zet hian a nui a. Msi chuan ṭha deuhin a lo chhang mai a,"Umm nuam e,i la haw lo ni maw?,"a lo ti vat a. Max chuan engmah a sawi lem lova;mahse,Sangtea rawn tih dan chu a lawm viau lo a ni.

Msi chu Max-a bike aṭang chuan a rawn chhuk a,"Chaw pawh i la ei awm silova,i ril a ṭam tawh em?,"a ti leh a. Sangtea chuan,"Ṭam love thingpui dawrah thil ka ei a,"a lo ti vat a. Max chuan,"Ms,i inkhawm hman ang tiraw?,"a lo ti zauh a. Msi chuan,"Aaaa ka hrelo le,haw phawt ila ka chau ve ang reng a,"a lo ti a. Max chuan,"Awle ka lo sawm dawn che nia,nih aw,"tih pahin a bike chu a her kual a garage lamah a tlan lut nghal a.

Pi Ruati chuan,"Ee Sangtea chu i lo leng a ni maw? I va fel ve,"a lo ti nghal vat a. Sangtea chuan,"Nia,ka rawn leng khat em a ka rawn leng ve tawp mai a nih hi,"a lo ti mai a. Msi chuan,"Nu,ka inkawm lo mai dawn mawn le? Ka chau lutuk a,"tih pahin Sangtea bulah chuan a lo ṭhu a. Pi Ruati chuan,"Nia keipawh ka chau khawp mai;mahse,i inkhawm dawn loh chuan keimah tal ka han inkhawm loh chuan,"a lo ti a. Msi chuan,"Mahse,Nu a tlai tawh viau a sin. I hman tawh dawn mi?,"a lo ti a. Pi Ruati chuan,"Insiam chhung chu rei hleinem. Sangte,tikhan lo leng reng rawh aw ka han inkhawm a nge aw,"tiin room lamah chuan insiam turin a lut nghal a.

"Max nen hian in inkarah engnge awm a?,"Sangtea chuan a zawt nghal tawl mai a. Msi chuan,"In ṭhian ṭhatna bak a awm lo. Ngatinge?,"a lo ti vat a. Sangtea chuan,"Hnaih suh aw,"a lo ti ringawt a. Msi chuan,"Engvangin maw? Ka tan chuan ṭhian ṭha tak a ni a sin,"a lo ti vat a. Sangtea chuan,"Hnaihlo la a ni mai,"a ti leh a. Msi chuan,"Hmm a chhan pawh ka hre silova,"a lo ti leh a. Sangtea chuan,"Hnaih lo ka tihchuan hnaihlo la a ni mai,"a ti leh hmuk a. Msi chuan,"Hmm awmzia i neilo e mai a,"a lo ti ve hluk a. Sangtea chuan,"Nia dik lawm,"a lo ti mai a.