ZU ZUAR FANU 18

CHAPTER--18

*R'z Thangluah✍🏻

Sangtea chuan Emily chu a call ve nghal mai a;

"Aw Duat,"

"I mu tawh em?,"

"Aih min biak hun ka lo nghak a,zu i in leh tawh mi?,"

"Umm,"

"Ngatinge i in leh a? Ka in tawhlo ang i tihkha,"

"Nia ka tihpalh aw,"

"Ka ngaihtuah zia che hi i hre miahlo mi?,"

"Ka tihpalh aw,"

"Min ngaihtuah ve miahlo a ni tiraw?,"

"Ngaihtuah e,"

"Nihchuan zu in tawh suh aw,"

"Umm,"

"Naktukah min chhuahpui hman ang tiraw?,"

"Ka hrelo le khawiah?,"

"Ka cousin in naute a nei a,ka la en ve lova min kal pui la,"

"Khawi vengah?,"

"Salem vengah,"

"Awle ka lo tum dawn nia;mahse,class kal i ngailo a mi?,"

"Naktuk chu ka kal lo mai ang,"

"Timaw?,"

"Tih tur pawimawh vak a awm chuang lova,"

"Kal phawt la,i kal zawhah i cousin naute chu kan en zawk dawn nia,"

"Tinge?,"

"Chawhma lamah dawrah ka nu puih a ngai dawn a. Chubakah i tan class kal kha a pawimawh ve tho a,"

"Awle nihchuan chawhnu lamah chuan i hman thei ang maw?,"

"Umm hman thei ang,"

"Awle ka lawm e aw,ka hmangaih che,"

"Umm hei a tlai tawh si muhil tawh la,zingah thawh i hai palh ang,"

"Nangpawh muhil ve nghal la aw,"

"Umm muhil nghal dawn e,muttui aww,"

"Umm muttui le ka hmangaih che,"


Sangtea chuan phone chu a off a,a mit a chhing vang vang a,"Ms,ka hmangaih chu i ṭhiannu nilovin nang hi i ni a sin. Tinge engmah i hriatthiam duh loh le?,"tiin ama hriat tawk lek chuan a phun nuah nuah a. A khum bula dawhkana ciggarate chu a la a,a ṭan a a room veranda lamah chuan a chhuak nghal a.

Zan a rei tawh bawk a,boruak chu a rehin a vawt raih mai. Thlifim a rawn thaw heuh heuh a,van lam chu a hawi chho arsi chu an lo pe un mai a. Thla erawh a de tir chauh a nih avangin a eng vak lem lo.

Msi pawh chu a muhil thei bik lo,a khumah chuan a let a let ṭhin a. A chang leh a ṭhu chhuak hlawl a,a khum bula tukverh chu a hawng a. Van lam thlir chung chuan,"Ka hmangaih,tunah chuan ka tan nilovin ka ṭhiannu tan i nun a ngai tawh dawn a. Ka hmangaih zia che ka lan tir theihna awmchhun chu ka ṭhiannu nen in inkar a palai hna thawh hi a ni mai si. Ka ṭhiannu erawh kha chu tina ngai suh ang che aw,i tina a nihchuan keipawh hi ka na ve zel a sin,"tiin ama hriat tawk lek chuan a phun sep sep a. A phone gallery a Sangtea nen an thlalak dun te,Emily te ho nen an thlalak ho te chu a en kual leh thuak thuak a. Tukverh bula rei tawk fang a din hnu a sana a en leh meuh chuan zing lam dar 2.00am a lo ni der tawh a. Zingah thawh a hai ang tih a hlau si,mut chhuak lo chung chuan mutthilh luih tumin a khumah chuan a mu leh ta rih a.

Zomuanpuia te unau pawh an sual ngaiin an la sual reng tho a. A pa lah chuan an sualna chu a haider tlat mai bawk si,YMA hovin hma lak an tum lahin engmah an tih a phal bawk si lo. An veng chu hmasawn lam aiin hnung tawlh lam a pan zel zawk si,mirethei fa te zu rui a hre thei em em a. Mi hausa leh mi lian ho zu rui erawh a hmuh kan leh lawi si.

"Thlanmualah khan zu in in tiraw?,"tih pahin Pu Chhuana chuan veng mawng tlangval 1 chu a hlap ri pawp mai a. Chu tlangval chuan ṭhen tlawk tlawk chungin,"Aih thlanmualah chuan kan in ngai lo,zu chu kan in ṭhin ngei a lawm. Mahse,thlanmualah tak chuan kan in ngailo,"a ti mawlh mawlh a. Pu Chhuana chuan,"Dawt sawi suh aw,nangni bak hi in nilo thlanmuala zu in a ti hnawk ṭhin chu,"tih pah chuan a hlap leh pawp pawp mai a. Chu tlangval chuan,"Khawngaihin min ring rawh,thlanmuala zu in ṭhin te chu i fapa te ṭhian ho a lawm. Keini chuan field ah kan in ṭhin,"a ti leh a. Pu Chhuana chuan,"Ka fapa te mawhpuh tum suh aw,i inpuang lova dawt i sawi kual reng anihchuan Rs.3000 i chawi ang,"a ti hmarh hmarh mai a. Chu tlangval chuan,"Dawt ka sawilo ka tih chu,pawisa chu i duh anihchuan ka chawi mai ang. Mahse,thlanmualah zu kan in ngai lo,"a ti leh a. Pu Chhuana chuan,"Pawisa chu tunah min pe rawh,"a ti nghal vat a. Chu tlangval chuan,"Tunah chuan ka nei rihlo,kar 1 vel min nghak la ka inhlawh a nga ka pe mai ang che,"a ti leh a. Pu Chhuana chuan,"Awle kar 1 hnuah min pe lo anihchuan police ah ka pe ang che,"tiin a kal tir ta a.

Pathianni tlai a ni a,field sirah chuan tlangval 5 vel hi an ṭhu bial laih mai a. An zinga pakhat chuan,"Zomuanpuia te unau hi in hnek chak ve em?,"a rawn ti chhuak hlawl mai a. Pakhat chuan,"An unau mai nilovin a pa chawp hian ka hnek chak,"a lo ti nghal vat a. Muana chuan,"In thlan ni leh vat vat se ka ti ngawt mai,ka vote tawhlo chiang ang chu aw,"a lo ti vat a. Dinpuia chuan,"Tun inthlan khan i vote a mi a?,"a lo ti vat a. Muana chuan,"Vote e maw le ka thin a rim a nia,"a lo ti vat a. Ruata chuan,"Engtinnge i vote duh zawk a? Kan venga zu heh ber aipawn ka ring lo,"tih pah chuan a lo nui hak hak a. Dinpuia chuan,"Hman zanah min hlap hrep a lawm,thlanmuala zu in ṭhinah min puh khang lang vel a. A fapate an nih thu ka sawi kha a duhlo teh a sin aw,"a lo ti vat a. Ruata chuan,"Hun remchang hmasa berah kan vaiin kan in man tir a nga,a fapa te thil tih ṭhin zawng zawng hi kan puan vek dawn nia,"a lo ti ve sak sak mai a. Dinpuia chuan,"Khehpuam an tih vel te hi kan hrelo amaw an tia,veng hmingchhiat kan hlauh vang in kan sawi duhlo mai mai zawk a,"a lo ti ve bawk a.

Pathianni chawhma inkhawm ban a ni a,Msi te pawh a ṭhian te ho nen an in zui haw hnak hnak a. Kawngpui kân tura an inbuatsaih lai chuan Zomuanpuia te ṭhian ho hi bike in chak lutukin an rawn tlan phei fua fua mai a,Zomuanpuia chuan,"Ms,Zu in la zuar ṭhin em?,"tiin ngeiawm fahran hian Msi chu a lo âu a. Msi chuan engmah a sawi lo;mahse,a zah vangin a hmai chu a sen nghal awp awp mai a. Max chuan,"Zomuanpuia ni maw? Hmela chu ka hmuh leh hun chu a châklo ang maw le,khawi hmunah pawh hmu ila ka khawih khawp ang,"tiin a in hrosa nasa mai a. Jessy chuan,"Mate,engatan mah ngai suh aw. Keinichuan i nunhlui chu kan hriat reng sak lo che a nia aw. I rilru ti hrehawm duh reng reng suh aw,"tiin a lo hnêm ve bawk a. Zotei chuan,"Ni e Mate,nuamlo ti reng reng suh i tan kan awm reng a nia aw,"a lo ti ve bawk a. Mawitea chuan,"A ṭawngkam hman duh dan aṭang khan miṭha chu a nilo tawp ang,"a lo ti ve bawk a. Msi chuan,"Ka lawm lutuk nangni ang ṭhian ṭha ka nei che u hi ka lawm takzet a ni,"mittui tling pam chung chuan lawmthu a sawi ve malh malh a.

Max te inah chuan an ṭhian ho chuan thingpui in turin an lut khawm ṭak ṭak a. Max-a pa chuan,"Nizan chu hmeichhe 1 hian whatsappah min lo be hlawl mai a. Msi chanchin min lo hrilh a,'Kan venga an awm tawh silova kan veng chu a nuam lo takzet. In vengah chuan hlim deuhin an awm ngei ka beisei'tiin message min lo thawn a. A dp ka en a,ka hriat ngai mi a ni bawk si lova. A message ka reply a mahse,min lo chhang let leh miah lova. Ms,henu hi a nia i hriat mi a ni em?,"tiin a phone a hmeichhe thlalak chu Msi a en tir a. Msi chuan,"Umm hei chu kan ṭhenawmnu a nih hi,a fel a sin. A nikha chuan kawng engkimah min puih hi a inhuam reng ṭhin,"a lo ti nghal vat a. Max chuan,"Ka lo hriat dan chuan in veng chu in chhuahsan tak aṭang khan hma lam pan aiin,hnung tawlh zawngin an kal a ni awm e,"a lo ti ve bawk a. Msi chuan,"Ni e Sangtea pawh khan min hrilh ṭhin,chanchin hriat nuam tak chu a ni lem lo khawp mai. Kan pian kan seilenna veng a ni ve si a,hetiang a ni ta mai hi chu rilru chu a na ve a lawm,"a lo ti ve bawk a. Jessy chuan,"Ni e i rilru tur chu ka hriatthiampui che,hei kan vengah pawh thla 2 vel in awm tawh a. Engkim hi in ta angin in en nghal thei a,hmangaih takin engkim min enkawmpui bawk a. In veng hlui phei chu i ngai thei ngawt ang,"a lo ti ve bawk a. Zotei chuan,"Class-Xii topper i ni tih ka hriat ruala,zu zuar fanu tia post a rawn awm leh chiah kha mak ka ti a sin aw. Khatiang thu vawrh darh tu kha chuan a thik vang che ka ti lo thei lo,"a lo ti ve bawk a. Msi chuan,"A bul berah chuan kan thiam vek bik lova,ka nu khan zu zuar lo se hetiang dinhmun hi kan thleng kher lovang,"a lo ti ve leh a. Max chuan,"Ka ngaihdan chuan i nu khan a tih tur dik tak a ti niin ka ngai. A chhanchu,khawvelah nang hi a neihchhun i ni a i tan engkim a tih chu a thiang ka ti ve tlat. I nu khan zu zuar lo se Class-Xii kha ṭha deuhin i pass thei a ngem?,"a lo ti ve bawk a. Msi chuan,"Ni e ka nu khan ei zawnna pangngai tak dap turin pawisa fai engmah a nei lo. Zu a zawrh pawh kha a ṭhiannu in a puihna vang chauha ti thei a ni;mahse,a tirah chuan ka nu kha ka dem em em a. Kan nufa in hna kan thawk a nga,kan ei khawp chu kan hmu ve em em ang ka ti ṭhin. Mahse,ka nu chuan lehkha zir zel turin min ti a,ka zirna ka chawlhsan kha a phallo a ni. Ka nu khan zu zuar mah se,zu hi a takah a hmel ka la hmu lo thung. Ka nu chuan ka mit hmuh ah nu zahawm tak nih a tum reng ṭhin,chuvang chuan ka hmuh laiin zu a khawih ngai lova zu in tura tlangval ho an lo kal pawn roomah min awm tir daih ṭhin,"tiin hnuk ulh ṭeuh chungin a duh aia thui a sawi ta a. Jessy chuan,"Mate,tunah chuan i nu hah taka hna a thawh rah chu in seng mek a lawm. Fanu ṭha tak a nei che a,i nu lah mi zawng zawng tan nu nelawm tak a ni bawk a. Keichuan doctor i nih hun hi ka nghakhlel ber mai,"tiin nui sâng chungin Msi kut chu a lo vuan a.


Pi Ruati chuan kuhva kheh malh malh pahin,"Hmanni chu bazarah Pa Siama te nupa nen kan inhmu hlawl mai a,kan ti ti nasa khawp mai,"a lo ti a. Msi chuan,"Pa Siama te nupa hi chu an fel ve ngawt mai,"a lo ti vat a. Pi Ruati chuan,"Ni e an fel a sin,hmanni pawh chuan veng chhung aṭanga kan chhuak tur min ui zia hlir an sawi a. Tih theih an nei silova,hrehawm an tih thu te an sawi ve a,"a ti leh a. Msi chuan,"Ni e mi tam tak kha chu kan lamah an ṭang tih ka hria lawm. Mahse,engmah tih theih an ni silo kha ka khawngaih zawk,"a lo ti ve bawk a. Pi Ruati chuan,"Mahse,Pathian hian kan ṭhatna turin engkim hi a lo ruat ṭhin a. Tuna kan thil tawn mek pawh hi hma lam kan pan theih nan min ruat sak a ni ngei ang,"a lo ti thung a. Msi chuan,"Nu,ka chhuang ngawt mai che. Mi tam tak chuan zu zuar ṭhin tiin an la sawi ang che. Keimah ngei pawh hi zu zuar fanu tiin min la sawi fo ang;mahse maw,Nu,nang tluk a nu ṭha leh zahawm hi khawvelah hian ka la hmu lo,"tiin a nu chu a rawn kuah a. Pi Ruati chuan,"Khaih khaih Bawihte,mi bulah te reu reu i sawi a nge. I ti zahthlak ṭhin e mai,i nu hi zahawm taka ka lan theihna chhan pawh hi nangmah vang a ni a sin. Fanu fel tak leh puitling tak ka nei che hi ka in chhuang tak zet a ni,"tih pahin Msi chalah chuan a fawh sak zauh a.

Sangtea chuan Emily chu a theihtawpin ngaihsakin tih hlim tum ṭhin mah se,a rilru leh thinlung erawh a hlan thei silo. A kalsan a nihchuan Msi hian an inkar chu a rem leh vat dawn tih erawh a hrechiang ber tu a ni bawk si. Hmangaih a tum ngial pawn a hmangaih theilo a ni,Emily lakah chuan in thiamlohna hlirin a khat tawh a. Hrehawm pawh a ti,a rilru hah chhawk zangkhai turin zu a in tam phah bawk a. A hringnun hahthlak tak chu tuman an hriatthiam ve bawk silo,a hahthlak a ti takzet a ni.

"Duat,tunlai hi zu i in leh nasa tawh mah mah in ka hria,ngatinge?,"Emily chuan Sangtea ban puamah chuan a rawn kaikuah a. Sangtea chuan a chhang lo,Emily thusawi chu hre âwm pawhin a lang lova. Emily bawk chuan,"Duat,tinge a? Thil dang ngaihtuah i nei a mi a?,"a ti leh a. Sangtea chuan,"Aaah...engmah nilo,"a lo ti ringawt a. Emily chuan Sangtea mitah tak chuan a en kal mai a,"Harsatna i nei a mi? Khawngaihin min hrilh la,ka puih theih che chuan ka pui hreh lo che a nia,"a ti mawlh mawlh mai a. Sangtea chuan,"Aih engmah harsatna awmlo,ka ṭha lawm,"a lo ti mai a. Emily chuan,"Ka mitah tak hian min en la,harsatna i neih loh thu min hrilh rawh,"a ti mauh mai a. Sangtea chuan Emily pawh en lem lo chuan,"Engmah harsatna ka neilo ka tih chu,"a ti leh a. Emily chuan,"Nihchuan tinge ka bula i awm chung pawn thil dang daih ngaihtuah angin i awm ṭhin a?,"a ti leh a. Sangtea chuan,"Engmah ka ngaihtuah lo,i ngaihbel mai mai anihkha,"a ti leh a. Emily chuan,"Nihchuan zawhna ka zawt ang che aw. Dawt tel lovin min chhang ang che aw,"a ti ta a. Sangtea chuan,"Umm,"ti ringawtin a lo chhang a. Emily chuan,"Min hmangaih em?,"a ti tawl mai a. Sangtea chuan engmah sawi tur a hrelo,a ngawi kar mai a.

Emily chu a ṭap deuh pur tawh mai a,"Mawhh min chhang theilo a mi? Nang nen hian thla 4 vel kan in zui ve tawh a;mahse,min hmangaih thu hi vawikhatmah min la hrilh lo. Min ngaih thu erawh chu vawi thum vel i sawi ve tawh,"a mittui chu a tling pam tawh mai a. Sangtea lah chu lungtum ang maiin ngawi rengin a ṭhutna ngaiah chuan,che lovin a ṭhu reng mai a. Emily bawk chuan,"Mawhh min chhang teh,min hmangaih em?,"a ti leh mawlh mawlh mai a. Sangtea chu a ṭhutna aṭang chuan muang changin a rawn tho chhuak a,Emily chu a rawn kuah a zawi te in a beng bulah,"Ka hmangaih che,"a sap a,Emily mittui tling pam mai chu a en vang vang a,"Ka tihpalh aw,i tan chuan hriatthiam ka harsa ṭhin ngawt ang tiraw? Min ngaidam dawn nia aw,"tiin Emily hmui sen vam ham maiah chuan a fawp vawng vawng mai a.

"Bawih,i buai em? Thu lawmawm deuh hrilh tur che ka nei a nia,"

"Buai love lo biak che ka tum chiah a,"

"Ka hlim lutuk,"

"Min lo hrilh vat vat,ka hre chak tawh a nia,"

"Ihmaww,nizanah Sangtean min hmangaih thu min hrilh a sin. Ka hlim lutuk,"

"Awii a van ṭha ve a,hlim deuhin awm reng tawh ru aw. In hlim loh hi chuan nuam lo ka ti ṭhin a nia,"

"Umm chuan zu pawh nghei a tum a,"

"A ṭha lutuk ringawt e chuan,tun sunday ah hian a nu in chaw eiah sawm che u a tum a,"

"Awi tu nen?,"

"Aww Sangtea nen a ni mai lawm,"

"Awii i nu hi chu aw a van fel thei tak,"

"Min chhun a😅,"

"Tak2in Sangtea hman lo mah se,keichu ka rawn kal dawn chiang lutuk,"

"Nia nakinah a nu chuan i nu te biak a tum tho a. Chumi hma chuan ka lo hrilh lawk che a nih chu aw,"

"Umm i fel lutuk...e chuan,Max kha..,"

"Tinge Max chu?,"

"Awii hrethiam lo thei sia,"

"Engnge? Min hrilh la,"

"Ṭhian ang khan biak i tum reng a mi?,"

"Awii nang tak hi chu aw,Max te hi chu kan phû lo hul hual. Nakinah ka phû tawk chu Pathianin min la pe ve mai dawn lawm,i hmanhmawh a nihkha,"

"Hmm Max aia ṭha kha chu i hmu tawhlo ang aw,"

"Nia a fel a lawm. Mahse,aaa ka phulo a ni mai,"

"Hmmm hmangaihnaah phûloh a awm thei lo,"

"Keiman awm ka ti lawm,"

"Awii i hnial hrat,lawk aww anu in min ko in ka hria. Bye phawt aw,"

"Awle bye,"


Msi chuan a ṭhiannu hlimna chu a ṭawmpui rualin a mipa hmangaih a chân erawh chu na a ti ve khawp mai. Mahse,a ṭhiannu hi a tan chuan a hlu takzet a,ama hlimna aichuan a ṭhiannu hlimna hi a ngai pawimawh zawk ṭhin. Chuvangin a ṭhiannu hlimna chu na chung chungin a ṭawmpui a ngai a ni.


Thawhleni zan a ni a,Msi nu chu inkhawm turin a in siam malh,"Bawihte,kuhva kha pum 100 vel kheh tur a la awm a. I lo kheh dawn nia aw chuan,inkhawm banah kan thel dawn nia,"a lo ti a. Msi chuan,"Awle a thel pawh ka ti hman tho a lawm,"a lo ti vat a. Pi Ruati chuan,"Ee i ṭhiannu chu i hrilh ta em?,"a rawn ti leh a. Msi chuan,"Aw hrilh e,a lawm lutuk,"a lo ti vat a. Pi Ruati chuan,"Kan inhrilh hma loh chuan thil tih tur dang te an lo nei ang tih ka hlau a,"a ti leh a. Msi chuan,"Nia in hrilh hma kha a pawi lo. Mahse,Nu, Sangtea hi?,"a lo ti leh a. Pi Ruati chuan,"Sangtea chu a pa ka be mai ang,kan kal a nge aw bye,"tih pahin inkhawm tur chuan a chhuak nghal a. Msi chuan,"Awle bye,"a lo ti ve nghal vat a.

Zan dar 7.00pm velah chuan Max pawh a rawn lang leh tawh a,"Ee kha i va buai awm ve a?,"tih pahin kuhva chehna chu a la a,a kheh ve nghal mawlh mawlh a. Msi chuan,"Buai love,lo khawih ve duh suh ka ti thei a lawm,"a lo ti vat a. Max chuan nui chungin,"Ka ti ve chak a ni mai lawm,"a lo ti leh a. Msi chuan,"Umm nih ti mai rawh,"tih pah chuan a lo nui ve sak a. Max chuan,"I nu a inkhawm mi a?,"tih pahin a hawi kual ruai a. Msi chuan,"Aw inkhawm e tinge?,"a lo ti vat a. Max chuan,"Ka be duh a,"tih pah chuan a nui hak hak a. Msi chuan,"Hmm sawi tur i hre awm lo e mai a,"tih pahin a lo nui var var a. Max chuan,"Aww Pathian thu kan sawi ang chu,"a ti a,a nui hak hak a. Msi chuan,"Awii ve che chuan a,"tih pah chuan a nui hawk hawk a.

Max chuan nui chungin,"Min va ringlo tak e aw,"a lo ti vat a. Msi chuan,"Rih loh lam pawh a nilo,anu bulah kher hi chuan Pathian thu i sawi ka ringlo a ni,"a lo ti leh a. Max chuan,"Nih engnge ka sawi i rin a?,"a lo ti vat a. Msi chuan,"Hmeichhe mizia bak i zawt leh tawp lovang,"a tia a nui zui hawk hawk a. Max chuan,"I va sual tak e aw,"a lo ti vat a. Msi chuan,"Anu aichuan min zawt zawk rawh ka hre daih zawk,"a lo ti leh a. Max chuan,"Nih ka zawt ang che aw,"tih pahin Msi chu a rawn melh a. Msi chuan nui chungin,"Imm min zawt la,"a lo ti vat a.

Max chuan a âw a thian kharh kharh a,"Mi...min bialpa ve la,"zak tih hriat takin a hmai chu a sen ṭawn ṭawn a. Msi lah chu a nuih a za si,"Awii tiang kha zawhna pawh a ni mi?,"a ti a,a nui har har a. Max chuan,"Min bialpa duhlo a mi?,"a ti leh a. Msi chuan,"Awiiii Lalmax,fiamthu thawh dan i thiamlo e,"tih pahin a nui leh a. Max chuan,"I van sual tak,"a lo ti zawi sup a. Msi chuan,"Eee ka hrethiam mai,hmeichhe duh deuh i nei tiraw?,"a lo ti vat a. Max chuan zawi sapin,"Aww,"a lo ti vat a. Msi chuan,"Lungngai suh ka awm hi,i hmeichhe duh deuh chu min hrilh la. Ka lo sawifel vek mai ang,hetiang lam hi chu ka thiam ve a nia aw,"tih pah chuan a nui var var a. Max chuan a tukhum hiah nauh nauh pahin,"Englo a nia,ka hmeichhe duh deuh chu maw. Amah chu maww tunah hian ka bulah a ṭhu,"Max chu a zah avangin a âw te chu a khur der der nia,Msi pawh chu melh melh pawh a melh ngam tawh lova.