ZU ZUAR FANU 17

CHAPTER--17
*R'z Thangluah✍🏻*

"Ms,zanin chu lo inpeih hma rawh aw. Hla en tur a nihkha aw,"tiin Max chuan Msi chu a chah a. Msi chuan,"Awle tehreng mai boss,"tih pahin a lo nui var var a. Max chuan,"E chuan maw,kan group leader kha zaninah a rawn leng dawn nia aw,"a ti leh a. Msi chuan,"U Mawitea maw?,"a lo ti vat a. Max chuan,"Aw ni e mak i ti va tih hmel ve a,"a lo ti ve vat a. Msi chuan,"Aaa mak ti hran love. Mahse,rawn kal ve tho la,"a ti leh a. Max chuan,"Aw kan 2 in lawm kan rawn kal dawn,"a lo ti vat a.

Emily leh Sangtea pawh chu an inbe ṭha leh tawh khawp mai a. Sangtea erawh chuan Emily chu a thinlung tak takin a hmangaih thei lo a ni. A thinlungah chuan Emily aiin Msi'n hmun a luah hnem zawk miau sia.

Pi Zuali chuan,"Bawiha,i ṭhiannu pa kha EE a lo ni reng a ni maw?,"a rawn ti a. Sangtea chuan,"Aw ni e ngatinge a?,"a lo ti vat a. Pi Zuali chuan,"Sundayah hian chaw ei turin sawm leh la,pangngai taka ngaihdam dil te pawh ka duh a sin,"tih pahin Sangtea chu a rawn nuih tlawn deuh a. Sangtea chuan,"Nu,khatiang tehrep hnuah khan Emily hian kan inchhung hi a rawn luh leh duh i ring a mi?,"a lo ti vat a. Pi Zuali chuan,"Ngaihdam dil ka duh thu i hrilh dawn lawm,"a ti leh a. Sangtea chuan,"Ngaihdam i dil duh anihchuan,an mahni inah ngei kal in i dil theilo a mi?,"a ti ve ta ngat a. Pi Zuali chuan,"An in awmna ka hre hleinem,"a lo ti hluk a. Sangtea chuan,"An in awmna i hriat loh chuan keimah pawn ka hruai thei che. I duh chuan zaninah pawh kan kal thei reng,"a lo ti leh a. Pi Zuali chuan,"Naktuk lamah ni mai teh se,"a lo ti thung a.

Zan inkhawm banah chuan Max leh Mawitea chuan Msi te in lam chu an pan ding nghal a. In a an luh hma in dawrah chuan an lut kawi khawmuang leh rih a,"Nu Ruat,Msi lo thleng tawh em?,"a ti nghal a. Pi Ruati chuan,"Aww thlen tawh kha,zu lut rawh u,"a lo ti vat a. Max leh Mawitea chu in chhung lamah chuan an lut nghal a.

Msi chuan sitting roomah chuan kuhva a lo kheh malh malh tawh a. Max leh Mawitea rawn kal a hmuh chuan a lo be nghal sawk sawk a,"Ee nangni ni reng a,lo ṭhu rawh u,"a lo ti nghal vat a. Mawitea chuan,"E khaa i va buai awm ve a?,"tih pah chuan ṭhutthlengah chuan a ṭhu nghal a. Msi chuan,"Aa buai lutuk hran love,ka ṭan ve chiah anih hi,"a lo ti leh a.

Mawitea chuan,"Aa hei ka rawn kal chhan tak chu englo a nia,a hmaa in nunhlui pawh ka hriat sak vek tho che u a. Khang avang khan inthlahrung lo turin ka duh che a,kan group member i nihna angin ka rawn kal ve tawp a nih hi. Keini chuan in nunhlui kan chhui sak dawn lo che a,hma lam in panna turah hian kan theih tawpin puih che u hi kan in huam reng a nia aw. Kohhran ah pawh inthlahrung lo la,a bik takin KṬP inkhawm zan velah hian ka hmu khat riau ṭhin che a. I lo inthlahrung deuh a ni em aw tiin ka lo ngaihtuah ṭhin a. Mahse,inthlahrunna tur engmah a awmlo tih kha ka sawi leh duh a ni. Inthlahrung reng reng suh aw,"tiin a thiam ang ang chuan a sawi ve malh malh mai a. Msi chuan,"Ni e kawng engkimah min dawm thiam em em a,a lawmawm takzet a ni. Tunlai tak hi chu ka zirlai lamah hian ka insawrbing ve deuh a,chuvang chuan ṭhalai inkhawmah pawh ka rawn lang tam thei lova. Min lo hrethiam hram hram mai aniang chu,"a lo ti ve bawk a.

Max chuan,"Chuan,naktuk zing group hnatlang kha theihnghilh awih loh aw,"tih pahin a lo nui suk a. Msi chuan,"Ka la hre reng a lawm,theihnghilh chi ni hleinem,"a lo ti ve vat a. Mawitea chuan,"I nu pawh hi a fel ngawt mai,a theih tawpin kohhran leh khawtlangah a in hmang ve a. Kan veng chhung pawn kan ṭangkai pui dawn riauin ka hria,"a lo ti ve leh a. Msi chuan,"Awii i ti zahthlak e a,ka nu hi chu a buai thei lutuk a engmah pawh a tih hman loh hi,"a lo ti ve vat a. Max chuan,"Buai chung chung pawn i nu chuan inkhawm a pumpelh ngai chuang hleinem. Kan nu tam tak hian an tluk lo a sin,"a lo ti ve bawk a. Msi chuan,"Awii in ti zahthlak thei ee,"tih pah chuan a nui sen sen a. Max chuan,"A ni tak tak a lawm,"a lo ti leh vat a. Msi chuan,"Awiha kan ti ti tui lutuk a,thingpui lum pawh ka lo ngaihtuah miah lova. Tikhan lo ṭhu ru aw,ka va lum a nge,"tih pahin choka lamah chuan a phei nghal a.

Mawitea chuan,"Msi te nufa hi chu an fel ve ngawt mai,an veng aṭang khan eng rilru pu a hnawtchhuak nge an nih ang le?,"a ti ve nuah nuah a. Max chuan,"Ni e keipawn an veng aṭanga an hnawtchhuak kha mak ka ti a sin. Mahse,Msi nu hi a fel khawp mai engtinpawn ti se,thiamthu sawi a tum ngai lo,"a lo ti ve bawk a.

Msi chu thingpui chawi pahin a rawn phei a,"Awi nizan chu ka che chhe lutuk a,tun thlengin ka nuih a la za?,"tih pahin a nui zui hawk hawk a. Max chuan,"Engnge ni leh ta a?,"a lo ti vat a. Msi chuan,"Patling ve deuh tawh hian dawrah kuhva a rawn lei a,ka pu ka ka tia. Ka pu ka ti kha a lungawi loh hmel lutuk a,kuhva ka pe a pawisa min pek pahin'I pu rual pawh ka nilo,tlangval ka nih hi'tih pahin min melh run run lungawi loh hmel deuhin a kal nul nul a. Awii nuamlo ka ti bawk si,ka nuihza bawk si a kal hnu in keimahin ka nui hawk hawk a lawm,"tih pah chuan a rawn nui leh hawk hawk a. Mawitea chuan,"U Chawia a ni hrim hrim ang,"tih pah chuan a lo nui ve hak hak a. Max chuan,"Kan veng Val Upa anihkha,i hmuh leh hunah chuan ka pu ti tawh miah suh ang che,"tih pah chuan a lo nui ve hak hak a. Msi chuan,"Nia tih chi tawh lo hrim hrim,"a ti a,a nui zui har har a.

Emily chuan Sangtea message chu a nghak reng a. Mahse,a nghak chhuak zo lo a ni,a tawpah chuan amah chuan a va text hmasa ta nge nge a;

"Duat,tinge i reh em em a? I rawn leng bawk silo,i dam lo mi?,"


Rei fe hnuah pawh a message chuan chhanna a dawng thei silo. Emily chu a buai takzet tawh a ni;

"Duat,min chhang ta che i chungah engnge thleng a? Tiang hian i awm ngai tawh loh kha."

"Duat,ka ngai che  a sin."

Emily message chuan chhiartu a nei lo,ngaihventu pawh a nei lo. A beidawng chuan a call leh ta ringawt a;mahse,phone call pawh a chhang chuang lo. Vawi 10 vel a call hnuah pawh chhanna a dawng thei silo. Emily chu a mangang takzet tawh a ni,Msi lah an vengah a awm tawh silo. Mawii number a nei bawk silo,a roomah chuan a vei kual sek tawh mai a. A tawpah chuan Msi bawk a be leh ta;

"Bawih,i buai em? Sangtea hi a chanchin i hria em?,"

"Buai love,in inbe lo mi? Vawiin chu kan la inbe miah lova,"

"Ka message a seen thei lova,phone call pawh a chhang thei lo,"

"A van mak ve aw,kan be ve chhin a nge aw."

"Umm ka hlauthawng a nia,hetiang hian a awm ngai tawh silo."

"Umm engmah hlauh tur a awm lo nia,ka awm a lawm. Lungngai miah suh aw,a ṭha leh vek mai ang. Kan call ve chhin a nge aw,"

"Umm chanchin min lo hrilh leh vat la aw,"

"Awle"

Msi chuan Sangtea chu a call ve nghal a. Mahse,chhanna a dawng bik lo vawi tam a call hnuah pawh chhanna a dawng thei bik silo. A beidawng chuan Mawii chu a call ta ringawt a;

"Aw Ms,"

"Mawi,i mu love nge ni ta?,"

"Sangtea hi inah a awm em? Ka phone call a chhang thei miah lova,"

"Zanin chu a chhuah awm ka hre miah lo,a room kan check chhin nge aw,"

"Awle phone ka off lo nia aw,"

"Awle,"


"Awiii a rui lutuk,a hnar bawrh bawrh mai,"

"A van mangan thlak ṭhin ve aw,"

"Ka kaitho chhin dawn mi?,"

"Aih a ngailo tikhan mu rih rawh se,a harh hun hunah harh mai rawh se,"

"Awle a hrim hrimin tunlai hi min lo be khat thei e,ka ngaih tehreng che nen,"

"Nia ka buai thei lutuk a,ka lawm lutuk aw,"

"Ka lawm e tih hi chu i leiah hian a bet tawh a nih hi,"

"Niaaa nih ka dah phawt ang aw,nakinah whatsappah ka lo bia ang che,i ngaihawm lutuk ringawt,"

"Awle nangmah fe kha i ngaihawm,"

"Nih bye phawt aw,"

"Awle bye,"


Msi chuan Emily chu a call nghal a;

"Aw Bawih,engnge chanchin?,"

"Mawii nen kan inbia a,a chatthla zu a in leh tawh niang,ka ngei lutuk,"

"Awii engtinnge ka tih ang? Ka rilru hah e mai,"

"Lungngai suh aw,ka lo be leh dawn nia,"

"An vengah i awm tawh bawk silo,engtinnge ni ang?,"

"Lungngai suh ka awm hi min ring rawh,nakinah ka lo be leh dawn nia. Hahdam rawh,"

"Zan khat lek ka biak loh chuan ka â thei dawnin ka hria,"

"Awii insûm teh,nakinah ka lo be leh dawn nia,"

"Umm lo be leh ngei ngei rawh aw,"

"Awle nihphawt aw hahdam rawh aw,"

"Awle ka lawm lutuk nia aw,"

"I va ho tak e aw hahdam deuh khan lo awm phawt mai rawh,kuhva kheh ka ngai a ka dah phawt ang aw,"

"Awle nih bye,"

"Umm bye le,"


Sangtea chu a rawn che ṭual ṭual a,muang changin a rawn tho chhuak a. A lukham sira a phone chu a ban nghal a,missed call a lo awm ṭeuh mai a. A mit chu a nuai chawt chawt a,"Ehe Emily leh Msi em em chu engnge maw an hriat le?,"tih pahin a whatsapp chat ho chu a check leh nghal zung zung a. Emily message a lo tam khawp mai,Emily chu a chhang nghal a. Mahse,thu sei tak a type lo;

"Emi,ka tihpalh aw,"

Msi number a hmet chhuak a,a call nghal a;

"Aw i ṭha em?,"

"I missed call ka hmu a,"

"Emily i be tawh em?,"

"Umm,"

"Dawt,tunah khan call nghal rawh,"

"Ka bia lawm,"

"Engvanginnge zu i in leh a?,"

"Ka rilru a buai a nih hi,"

"Engvangin maw?,"

"Hre ve lo zawk mai rawh,"

"Awle engpawh chu nise,Emily chu be rawh. A lo nghak reng tawh che nia,"

"Aih ka be duh rih lo,"

"Engvangin? Ka ṭhiannu hi tina tawh suh,"

"Ka be dawn lo,"

"Ngatimaw?,"

"Ka hmangaih lo tih i hriat kha,ka thinlung ka hlan thei chuang lo,"

"A hlimna i ni a sin,"

"Ka hlimna a ni ve hleinem,"

"I van mak tak,be rawh khawngaihin."

"Aih,"

"Khawngaihin ka ngen a che,"

"Tinge?,"

"Ka ṭhiannu hi khawngaihin tina tawh suh aw,"

"Umm ka lo be dawn nia,"

"Ka lawm e ka buai deuh a,nihphawt aw,"

Msi chuan phone chu a off nghal a,"Vanlalmalsawm,in thunun rawh. Hepa hi i hmangaih tur a ni lo,i ṭhiannu bialpa a nih hi,"amah leh amah chu a inbe mawlh mawlh mai a.