MZP IN JANUARY 12 BLACK DAY HMANG DAWN

Aizawl | January 11, 2019: Vawiin ni 11th January,2019 (Zirtawpni) zan dar 6:00 a North East Students' Organisation (NESO) meeting Guwahati hmuna neih chuan, North East State hmun hrang hranga Citizenship (Amendment) Bill, 2016 duhlohna lantir avanga BJP Sorkarin zirlai tam tak Sipai tha chakna hmanga a beih duhloh lan tirna turin, naktuk ni 12th January,2019 hian North East pumah BLACK DAY hman nise tiin a rel a. Mizoramah pawh Mizo Zirlai Pawl (MZP) hmalaknain Black Day hi hman tur a ni.

NESO meeting chuan, Citizenship (Amendment) Bill, 2016 Central sorkarin Parliament a pass tumna duhlohna leh dodalna N.E State hrang hranga Zirlai pawlin a neih avangin BJP Sorkar chuan Sipai tha chakna hmangin zirlai tam tak an hliam chu pawi a ti takzet a. MZP pawhin BJP sorkar chu demawm a tiin, hetiang hi thleng nawn tawh lo se a duh a ni.

NESO chuan, Tripura State a pawisawilo Zirlai panga (5) silai kahna vanga an nunna hial chan mai thei dinhmun a ding leh hliam na tak tuar te chu alainatin, hliam tuarte phurtu ambulance thlenga Police-in an bei duh leh zel chu a hrethiam lo hle a. Zirlai hliam tuarte tlawh tura kal NESO hruaitute pawh an lo dangchat leh bawk in, N.E State himna duh vanga zirlai thawkchhuak te Tripura Sorkar Sipai ten dimna awm miah lo a an vua leh kah anni chu MZP chuan, Tripura State BJP Sorkar chu a dem hle a. Zirlai hliam tuarte leh nunna chan hlauhawm khawpa ding mekte enkawlna leh senso Zawng zawng hi Tripura State Sorkar hian tum ngei turin MZP chuan a phut tlat bawk a ni.

MZP chuan, vawin ni January 11 a Manipur a Citizenship (Amendment) Bill, 2016 duhlohna lan tir vanga Manipur State Sorkar in Sipai chakna hmang tho in zirlai pungkhawmte tear gas mai duh tawklo a, rubber bullet hmanga a kah avangin Zirlai hliam tuarte chu MZP chuan a tawrhpui takzet a, Manipur State Sorkar BJP chu demawm a ti takzet bawk. Zirlaite hliam nasa tak tawrh tirtu BJP sorkar hi MZP chuan State Sorkar thaah angailo a ni.


NESO meeting in N.E State pumah Citizenship (Amendment) Bill,2016 duhlohna lantir vanga State Sorkar ten Sipai chakna hmanga an chet dan leh zirlaite lakah an chet dan uchuak tak hi NESO in a dem zia lantir nan, Ni 12th January,2019 (Inrinni) hian State tinah BLACK DAY hman tur a tih angin, MZP pawhin Black Day hi a hmang ve dawn a, Aizawl khawpui chhung hmun remchang lai apiangah puandum a zar dawn a ni.

BLACK DAY hmanna chhan tur te:

1. Tripura State Sorkar Police ten Zirlai leh mipui pungkhawm silai hmanga a kah avangin.

2. Hliam tuarte phurtu Ambulance Police ten an beih avangin.

3. Khumlung Hospital, Tripura a hliam tuarte tlawh tura kal NESO hotute Police ten tlawh an phalloh a an lo dan avangin.

4. Ni 11 January,2019 a Imphal Manipur, hmuna Citizenship (Amendment) Bill, 2016 duhlohna lan tir avanga Mi pali(4) hliamna tak an tawrh avangin.