Aizawl | January 31, 2019: Govt J Thankima Colllege chuan vawiin khan Annual Week Closing function Vanapa Hall, Aizawl ah an hmang a, Sports & Youth Services, Tourism leh Information & Communication Technology minister Robert Romawia Royte chuan Khuallian niin hun a hmanpui.
Khuallian Robert Romawia Royte chuan, J Thankima College in management course zirna an hawng chu lawmawm a tih thu leh a chhuan a sawi a. Management pawimawhna sawiin, "Khawvel harsa, engkim indaih lohna tak a nih tawh avangin management thiam hi a pawimawh hle tawh a ni." a ti a. "Khawvel mi hausa, Microsoft dintu Bill gates leh Facebook neitu Mark Zuckerberg te hi an hausakna hi anmahnia thiamna (skill) mai piah lamah management an thiam vang a ni" tiin zirlai kalkhawmte chu an hmalam hun atana theihtawp chhuah zel turin a fuih bawk.
Khuallian hian Govt J Thankima College tan lehkhabu pahnih, Aizawl FC chungchanga lehkhabu 'Rise Above The Clouds - Aizawl FC's Incredible Journey to Become the Champions of India' - Chiranjit Ojha ziah leh 'Goals of Glory - The Amazing Story of Aizawl Football Club and its Coach' - Neel Sinha ziah te a hlan bawk.
He hun hi GJTC Students Union vice principal Immanuel Lalhmangihsanga'n kaihruaiin,He hunah hian Principal Prof C Lalremruata, Zirtirtute leh zirlai tam tak an tel a ni.
Post a Comment
He post chungchanga i ngaihdan lo sawi ve rawh: