IIT BOMBAY LEH DEPTT. OF IT, ICFAI UNIVERSITY MIZORAM TANGKAWP IN ONLINE HMANGA SOFTWARE ZIRNA BUATSAIH.

Aizawl | January 30, 2019: Vawiin khan ICFAI University chuan IIT Bombay nen tangkawpin Online hmanga Software zirna ‘Spoken Tutorial’ an Campus-ah an hmang a, he hun hi ICFAI University Vice Chancellor, Lt Gen Dr AK Misra chuan hmanpuiin, Information Technology hi tunlai khawvela tangkai tak, a telloa kan awm theih loh a nih avangin Online a Computer Software zirna ICFAI a hawn chu changtlung zawk a kalpui zel a nih tur thu a sawi.

Pu C. Zoremsanga, Scientist C NIELIT, Aizawl pawhin thu sawiin, Information Technology hi a nihna ang taka hman a pawimawh a, thalai ten Games leh thil pawimawh ni lem loa hun tam tak an khawral thin chu a uithu sawiin, an zirna leh thil tangkai zawk atana tunlai thiamna hmang turin a fuih a, ICFAI University in Spoken Tutorial hmanga software zirna an nei pawh hi University Syllabus pawn lama thiamna tak tak chhher chhuahna tur a nih avangin a pawimawh hle niin a sawi.

Pu Lalzirtira, Course Coordinator hnen atangin Spoken Tutorial chungchang leh a kalphung te ngaihthlak  a ni bawk.