Mipa naupang kum 14 mi lek a nih laiin zoram mipui hmaah mahni insit tak chhungin Zonet Mizo Idol tur thlanna 2015 kuma an buaisaih tumin insit leh huphurh tak chak tak chung siin a rawn in lan ve a, naupangte ni chunga thiam tak leh tha taka idol platform vela a rawn khawsa chuan mite mak tih leh lawm pawh a hlawh thin hle a ni.
Thawhlehnaniropuia (puipuia) hi 15th April 2001 khan Pu C.Zoramthanga leh Pi Laldingliani te inkar ah lo piang in,unau mipa 4 leh hmeichhia 1 nei in,puipuia hi an unau zinga naupang ber dawttu ani.
Zohmun Rawlthar puipuia hian kum 11/12 anih vel atangin zai lam hi a luhchilh chho ve tan a,chung hunlai chuan Biak in velah te a theih ang tawk leh phak ang tawka zai ve thin in nu leh pa tupuina vang liau liau a rawn zai chho ve zel in Kum 2015 a Zonet Cable Tv lamin idol thlanna an rawn buatsaih tum khan tum lawk em em pawh awmlo leh,beiseina sang tak pawh nei lemlo in, apa thurawn anga a tlangval huna experience alo neih ve a, idol thlanna lo awm zel tura a inlan ve zel theihna tur tiin mahni insit tak chhungin a rawnin lan ve a, beiseina chau tak leh mahni insit tak chunga experience neihna a tana rawn tel ve mai mai kha, an beisei phak baka sang ah a rawnin vawrh chho ta dawrh maia, naupang si zaithiam bawksi idol nih a phu hle mai tia lo comment pawh mipui lamah a ngah vet vet thin hle ani.
Puipuia hi idol platform a rawn rah hma hian zai hmanga intihdiakna ang chi reng rengah hian ala inlan ngai miahlo a, idol a zawh hnuah pawh intihsiakna ang chi reng rengah a inlan zui tawhlo bawk, vawikhat a rawn inlanna ah Kum naupang te, zakzum rual tawk lek nisi in 2015 Mizo Idol ah Khan top-3 lai a rawn thleng thei a ni.
Idol zinkawng alo tawp hnu pawhin zai lam chu chawlhsan mai lovin ,a Zaithiam na chuan hmalam rawn pan pui zelin, kum 2016 khan Vulmawi Award Gospel Best News Artist hial a rawn dawng ta a, Thazual chart lamah pawh puipuia hian dinhmun tha/duhawm tak chang zelin,pathumna/pahnihna dinhmun ah te alo lang ve tawh bawk.
Idol a zawh hnuah puipuia hian zai tura sawmna hi a dawng tam hle a, zirlai anih avang leh zirna lama rilru pek alo ngaih ve bawksi avangin sawmna tam zawk hi zirna avangin a tihpuitlin sak theilo a, puipuia pawhin zai tura sawm tute, a zirna avanga a tihhlawhtlin sak theilo chu hrehawm a tiin nuamlo ati hle a, he post kaltlang hian zohmun Rawlthar puipuia chuan sawmna lo pe tu te zawng zawng zirna vanga ka tihhlawhtlin sak theih taklo te chhungah hriatthiamna a dil tak meuh meuh bawk ani.
Sawi tawh angin Rawlthar puipuia hi zai tura sawmtu an tam kan tih tawh kha, a indaih lo ve thin hle a, zoram chhung chu sawi ngailo turah dah ila,Zoram pawn lamah pawh sawm tu anei ve deuh renga Delhi, Shillong,Manipur,Assam ah te alo fehchhuak ve tawh bawk a,
Tunah hian Puipuia hian Official music video paruk(6) nei ve tawh in, a music video hmasa ber ''Lalpa fak rawh'' tih hla hi Mama phuah niin, recording hi Margaret Recording Studio Hnahthial atanga record a ni a kum 2016 kan lo tichhuak tawh ani. Kumin hian a music video pasarihna(7)na tihchhuah leh hman ngei tumin tan ala nasa hle a, engtik ah chiah nge alo chhuah dawn sawi theilo mahse kumin chhung ngei hian tihchhuah a tum niin thu ka dawng.
Tunah hian Puipuia hian Govt Republic Higher ah class ×ii a zir ve mek bawk. Puipuia Idol Star i nihna hian i nun a khuahkhirh ve em tia ka zawhna chu tiang hian min chhang a. Engpawh ti dawn ila ka nun fimkhur a ngaia, mi sawisel nih a hlau-hawm a,nun fimkhur a ngaiin, nun uluk a ngai khawp thin mai, keimah pawh hian Idol Star ka nihna hi(idol star nih tak vanga Pathian hnaih tihna ni lovin;) vawng nung zelin Pathian hnaih nan ka hmang nasa a,ka nun ka uluk phah hle a, ka tan chuan idol star ka ni hi thil lawmawm leh tangkai tak ani ka tilo theilo tiin min chhang ani....
Puipuia I zirna ah tluang taka I zir a, damna hriselna tha nei chho zela zofate I zai mawi tak tak min hlui zel theihnan hriselna tha nei zel tur che in Duhsakna sang ber Mizo Zaithiamte Chanchin'MzC' chuan a hlan mawlh mawlh a che.
Post a Comment
He post chungchanga i ngaihdan lo sawi ve rawh: