Kimkima - tia hriat lar, a hla phuah leh amah ngeiin a sak aṭanga Zofate zinga lar mek, Zaithiam, Hla phuah thiam bakah talent ngah tak mai hi a hming pum chu VL Hmangaihdawngkima a ni.
Tunah hian Vaivakawn 7 Day tlang, Aizawl-ah an chhungkuaa chengin Pachhunga University College (PUC) Aizawl ah Bachelor of Science (B.Sc) a zir mek a ni.
Kimkima hi, 'Ka bialnu ni rawh / Ka Zei An Ti Ṭhin" leh 'Hriat ngai loh lanu zun" tih aṭangin mipui kan hre lar ṭan a. "Ka bialnu ni rawh" kha a larpui a, Mi tam tak beng a a rik tamna ber a ni. Hemi bakah hian 'Sarah i zunzâm' chu rawn tichhuakin, hei hian nasa takin a ti lar zual ta a ni.
Hla phuah leh thluk siam mai bakah music pawh musician-te nen a an siamho a ni bawk.
(Fakna awmte hi vawi khat tal lo click ve ta che.)
Kimkima hian Kumin chhunga Mizoram a Entertainment Award kan neih zawng zawng pali, Lelte, Vulmawi, Moonlight leh Ṭhazual Award te a la vek a. Zo Rimawi khawvelah chuan hetiang dinhmun a luah hi a ropui takzet a ni.
A danglamna chu heng Award te hi hla pakhat "Sarah I Zunzam" vang a lak vek a ni.
Exploremizoram.com leh Kimkima inkawmna a hnuaiah kan dah e.
Miin an hriat ṭan dan:
- ka hla record 'Ka bialnu ni rawh' aṭang leh 'Hriat ngai loh lanu zun' tihka ṭhiannu in internet a a lo da, lo darh ta aṭangin rin loh deuhin miin min lo hre ta a ni.
Hla engzat nge i phuah tawh?
- Hla hi ka phuah nual tawh a, Ka hla phuah zat chiah hi ka sawi mai thei lo.
Kum engzat i nihin nge hla i phuah ṭan?:
- Kum 12 ka nih kum, pawl ruk ka zir laiin hla ka phuah ṭan.
Hla i phuah ṭhin hun tlangpui:
- Hla hi rilru a lan chang changin ka phuah deuh tawp a. Phuah hun em em ka nei hran lo.
Rilrua lang phuah hman loh, theihnghilh tak emaw a ziak tihbo tak pawh hi ka ngah khawp mai.
Music Video siam tawh zat?
- Music video hi Pahnih ka siam tawh a, tunah hian pakhat ka buaipui mek.
(Tuna lar mek , "i zun ngaih lunglen" hi music video a buaipui mek a. Youtube-ah lyrical video dah tawhin Mizo hlaah 1 million view nei rang ber a ni mek. Music video pangngai a chhuak ṭep tawh a ni.)
Award dawn tawh zat leh dawn tawhte:
- Kimkima hian Award paruk a la tawh a;
Kum 2017 ah pakhat- Thazual Best New Artist (Lengzem)
Kum 2018 -ah Award panga -
Lelte Best New Artist leh Song of the year, Aizawl (2)
Vulmawi Award - Song of the year, Lunglei (1)
Moonlight Award - Best Artist, Siaha (1)
Ṭhazual Award - Best male Artist, Aizawl (1)
Duh zawng hrang hrang:-
1. Rawng - A dum leh a sen
2. Chawhmeh: A lu leh Artui, Arsa
3. Inthuamna/Dress: Formal, Casual pawh nise ti deuh thlap thei se.
4. Music: Rimawi genre hrang hrang hi ka ngaithla vek mai.
5. Ziaktu: Mafaa Hauhnar leh PL Liandinga
6. Hla : Eng hla pawh, hla tlawm, inphahhnuai lam hi ṭha ka tiin ngaihthlak nuam ka ti.
Hobby: Basketball khelh leh Perhkhuang perh
Relationship Status: Single
Kawppui atana duh zawng:
- Mi ṭha, keimah bakah ka chhungte hmangaiha chhungkaw huikhawm theitu tur.
Nih tum: Scientist nih ka tum ṭhin a, mahse, tunah chuan Mizo Rimawi chawisan hi ka tum ber a ni tawh.
Ṭhalaipuite tana chah duh:
- Eng pawh ti ila beidawng mai lovin chhel taka beiin, Nu leh pa thu awih ila.
Exploremizoram.com hmuh dan?
- Ṭha ka ti a, a changkang ka ti a. Mi inkawmte fante tan an ngaihsan zawngte profile click mai theiha a awm te kha remchang ka ti a, ṭha ka ti khawp mai.
_________________
TT Arts, Chanmari Aizawl-ah T Shirt print hrang hrang an ti thei.
TT Arts, Chanmari Aizawl-ah T Shirt print hrang hrang an ti thei.
Call/ WhatsApp +919615332721
Explore Mizoram T Shirt pawh cheng 600 in lei tur a awm e.
9402125273
(A HNUAIA FAKNA HI LO HMET VE RAWH.)
Tha ka van ti tak em, in page hi upgrade zel rawh u!!! A bengvar thlak em em e.
ReplyDeleteChhiar a nuam e. 👍
ReplyDeletePost a Comment
He post chungchanga i ngaihdan lo sawi ve rawh: