AIZAWL BRIDGE

Aizawl Lei kan tih hi Mizoram PWD in tun hnai maia an sak zawh tak Lei dawh thar hi a nia, Governor gate chhim lam BSNL office bul Bible House lei tlahniam kawng pui chung chiah a sak thar zawh a ni e.

He Lei dawh thar hi Arch Bridge (D-bow Trusses type) a ni a,permanent Highway Steel Bridge a ni.A sei zawng 54 meters a ni a feet 177 a sei a nih chu. Live load 100 tons or kg nuai khat a phur zo thei dawn a, a bridge a kul sanglai ber san zawng hi meter 9 vel niin a feet zawng chuan feet 30 lai a sang a ni.Truck lian pui pui, a bang sang tak tak pawh  a chungin a va tawng pha dawn lova, a leng zan dawn a ni.

Arch bridge chi hrang hrang zingah D khaikhup anga sak a nih vangin D-Bow trusses type bridge an ti a, India hmarchhak state zinga hetiang  bridge nei hmasa ber kan nih vangin Mizoram tan mellung pawimawh tak chhinchhiah tlak a tling dawn a ni.

 PWD enkawlna hnuaiah Dr. R.Lalthlamuana, Ph.D in Bridge dynamics structure Engineering  subject Guwahati  IIT zir chhuakin a bul atangin a tawp thlengin a ruahman pui vek a, M/s Blue Hill Engineering tia sorkarah   in registered in Aizawl Chhinga vengah heng Building, Bridge leh Leitlahniam, leimin dan lam hna lamah an thiam bik em em a, Seismic Resistant RCC Building te hi a chung tur roof trusses tha deuh nen an lo design sak ang a,Detsiled Project Report chi hrang hrang pawh sorkar duhthusam ngei in famkim tak in an lo buatsaih sak zung zung thei a ni.Thil dang dang insak lam kaihhnawih building dinglai la chak tawk dan leh ngelngheh dan pawh an chhut thiam a,a tul dan angin rua hmanna an siam thei bawk.An hnathawhna lam kawng hrang hrangah thurawn pe a puibawm thei mithiam  Engineering lam Doctorate Degree nei an nei nual bawk.

 December 24 Masi urlawk ni khan mipui kal tlanga zawh thei turin hawn a ni a,Christmas pangpar leh thil tar mawi chi hrang hrang nen cheimawi a niin zan lamah Electric eng mawi tak chhit a ni a,Aizawl ti mawitu kan rohlu thar a lo ni e.Mipui mimir kal tlang theih ni hmasa berah ka kal tlang ve a ,ka tan pawh tun kum Krismas urlawk ni hi theihngilh rual a ni lo ve. Zan lamah  pawh  veng  cheimawi hrang hrang en a leng vel ten thla an lak pui nasa hle mai.Nakum 2019 January thla ni 15 ah motor kal tlang thei in   he lei hi  sorkarin official in hawn tum a ni.

- Tluanga Chhakchhuak